जळगाव लाईव्ह न्यूज । २० फेब्रुवारी २०२२ । कारने दिलेल्या धडकेत मोठा वाघोदा (ता.रावेर) येथील तरुणाचा जागीच मृत्यू झाल्याची घटना सावदा-फैजपूर मार्गावरील जे.के.स्टीलजवळ शनिवारी सायंकाळी ७ वाजेदरम्यान घडली. रशीद अहमद तडवी (वय ३६) असे मृत तरुणाचे नाव असून याबाबत रात्री उशिरापर्यंत गुन्हा दाखल करण्याचे काम सुरू होते.
याबाबत असे की, मोठे वाघोदा येथील रहिवासी रशीद तडवी हा केळी कामगार होता. तो जेवणाचा डबा घेण्यासाठी दुचाकीने (क्रमांक एमएच.१९-बीजे.४३७८) फैजपूरकडे जात होता. यावेळी सावद्याकडून येणाऱ्या कारने (एमएच.१९-एजी.६७६९) समोरून येत धडक दिली. त्यात दुचाकीस्वार रशीद तडवी हा गंभीर जखमी होऊन मृत झाला. ही माहिती मिळताच ग्रामस्थांनी घटनास्थळाकडे धाव घेतली.
तडवी यांचा मृतदेह शवविच्छेदनासाठी रावेर ग्रामीण रुग्णालयात हलवला. अपघातातील वाहने पोलिसांनी ताब्यात घेतली आहे. याबाबत रात्री उशिरापर्यंत गुन्हा दाखल करण्याचे काम सुरू होते. दरम्यान, अपघातात ठार झालेला तरूण हा कुटुंबातील कमावती व्यक्ती होती.
हे देखील वाचा :
- ज्वारी खरेदीच्या मुदतीत वाढ ! शेतकऱ्यांना मोठा दिलासा; ‘ही’ आहेत शेवटची तारीख?
- बेरोजगारांसाठी मोठी संधी! भुसावळात १७ जुलैला रोजगार मेळावा, अशी करा नोंदणी?
- डॉ. उल्हास पाटील रुग्णालयात तरूणीच्या नाक-कानातून वाहणारे मेंदूतील पाणी शस्त्रक्रियेने बंद
- जळगाव सुवर्णपेठेत सोने कडाडले! सलग दोन दिवसांच्या घसरणीनंतर मोठी वाढ, आताचे दर काय?
- ग.स. सोसायटीच्या अध्यक्षपदी रागिणी चव्हाण, तर उपाध्यक्षपदी अनिल गायकवाड बिनविरोध
