खान्देशातील पहिले वहीगायन लोककला संमेलनाचे २० फेब्रुवारी रोजी जळगावला आयोजन

जळगाव लाईव्ह न्यूज । १९ फेब्रुवारी २०२२ । खान्देशातील विविध लोककलेच्या जतन व संवर्धना सोबतच वहीगायन या लोककलेला खान्देशातील अस्सल लोककला म्हणून राजमान्यता मिळावी. यासाठी खान्देशातील पहिले वहीगायन लोककला संमेलन २० फेब्रुवारीला जळगाव येथील बालगंधर्व खुले नाट्यगृह येथे आयोजित करण्यात आले आहे.

खान्देश लोककलावंत विकास परिषदेच्या वतीने आयोजित या संमेलनाचे उदघाटन जळगाव जिल्हयाचे पालक मंत्री ना. गुलाबराव पाटील यांचे हस्ते होणार आहे. या प्रसंगी जळगावचे आमदार राजुमामा भोळे, महापौर जयश्री महाजन, वृध्द कलावंत मानधन समितीचे अध्यक्ष गजानन महाराज, वरसाडेकर जेष्ट लोककलावंत संभाजीराजे जाधव आदी मान्यवर उपस्थित राहाणार आहे

जीवन गौरव पुरस्कार जाहीर
खान्देश लोककलावंत विकास परिषदेच्यावतीने या वर्षापासून लोककलेच्या क्षेत्रात कार्यरत लोककलावंताना जीवन गौरव पुरस्कार देऊन सन्मानित करण्यात करण्यात येणार आहे. या वर्षीचा वहीगायन क्षेत्रातील पुरस्कार स्व प्राचार्य किसन पाटील स्मृती वहीगायन जीवन गौरव पुरस्कार वाघोड ता. रावेर जि. जळगाव येथील जेष्ठ वहीगायन लोककलावंत शाहीर रघुनाथ धनु महाजन, शाहीरी क्षेत्रातील स्व. शाहीर दिलिप सखाराम जोशी स्मृती जीवन गौरव पुरस्कार नगरदेवळ्याचे शाहीर शिवाजीराव पाटील यांना तर तमाशा क्षेत्रातील स्व. नथ्थुभाऊ सोनवणे (भोकरकर) जीवन गौरव पुरस्कार एकलग्न, ता. एरंडोल येथील जेष्ठ तमाशा कलावंत शाहीर बारकु पिराजी जोगी यांना जाहीर करण्यात आला. मानपत्र, सन्मानचिन्ह शाल श्रीफळ देऊन पालकमंत्री ना. गुलाबराव पाटील यांच्या हस्ते पुरस्कारर्थी लोककलावंताचा सन्मान करण्यात येणार आहे.

संमेलनासाठी खान्देशातील मोठ्या संख्येने लोककलावंत या संमेलनात सहभागी होणार असुन कोवीड प्रतिबंधक सर्व नियमाचे पालन करून संमेलनाचे आयोजन होत आहे. शोभा यात्रा, उद्घघाटन सोहळा, परिसंवाद, पुरस्कार वितरणासह वहीगायन लोक कलेचा जागर या संमेलनात होणार आहे. सकाळच्या संत्रात सकाळी ११ वा या संमेलनाला प्रारंभ होणार असून पहिल्या सत्रात परिसंवाद व वहीगायन लोककलेचे सादरीकरण करण्यात येणार आहे. सायंकाळी 4.00 वा शोभायात्रा निघणार आहे तर मुख्य सोहळ्याचे उद्घघाटन सोहळा सांयकाळी ५.३० ला मान्यवराच्या उपस्थितीत संपन्न होईल.

लोककलेच्या संवर्धनासाठी खान्देशातील सर्व लोककला प्रकारातील कार्यरत लोककलावंची मध्यवर्ती संघटना म्हणून खान्देश लोककलावंत विकास परिषदेची स्थापना करण्यात आली. असून यात वहीगायन लोककला सोबतच खान्देशी तमाशा, शाहीरी, गोंधळ, वाघ्यामुरळी, सोंगाड्या पार्टीसह गावगाड्यातील वासुदेव, पोतराज, कानबाई, भगत भोप्या, डांग, अदी खान्देशी लोककला प्रकारातील पाच हजार लोककलावंत खान्देश लोककलावंत परिषदे मधे संघटीत होऊन कार्य करीत असल्याचे परिषदेचे अध्यक्ष विनोद ढगे यांनी सांगितले. खान्देशात प्रथमच वहीगायन लोककला संमेलनाचे आयोजन होत असुन कोविड प्रतिबंधात्मक सर्व नियमाचे पालन करून हे संमेलन होत असल्याचे खान्देश लोककलावंत परिषदेचे अध्यक्ष विनोद ढगे यांनी कळविले आहे.

• जळगाव जिल्ह्याची पाण्याची चिंता संपणार? गिरणा धरण शंभरीच्या उंबरठ्यावर!
• पुणे यार्डातील तांत्रिक कामामुळे भुसावळ, जळगावमार्गे धावणाऱ्या ‘या’ रेल्वे गाड्यांच्या सेवेत मोठा बदल
• पावसाचा हायअलर्ट ! जळगावसह अनेक जिल्ह्यांना हवामान खात्याचा इशारा
• जळगाव जिल्ह्यात ३१ जुलैपर्यंत पावसाचा ‘येलो अलर्ट’; हवामान खात्याचा इशारा
• रोटरॅक्ट डिस्ट्रिक्ट ३०३० च्या ‘योगपर्व २०२६’ स्थापना समारंभ