जळगाव लाईव्ह न्यूज । १९ फेब्रुवारी २०२२ । मोबाइल कंपन्यांनी शेत जमीन महसुलाची थकीत रक्कम न भरल्याने तहसीलदार सुचिता चव्हाण यांच्या आदेशानुसार महसूल पथकाने तालुक्यातील एरंडोल व जानफळ येथील मोबाइल टॉवर सील केले आहेत.
जानफळ येथील इंडस कंपनीकडे शेतजमीन महसुलाची ५८ हजार ९७ रुपये थकबाकी असल्यामुळे तहसीलदार सुचिता चव्हाण यांच्या मार्गदर्शनाखाली कासोदा जमीन महसूल पथकातील मंडळ अधिकारी मनोज शिंपी, तलाठी बालाजी लोंढे यांनी कोतवाल, पोलिस पाटील व उपसरपंच यांच्या उपस्थितीत मोबाइल टॉवर सील केले. तसेच एरंडोल येथील आयडिया कंपनीचा मोबाइल टॉवर शेत जमीन महसुलाची थकबाकी ३६ हजार ८४० रुपये न भरल्यामुळे मंडळ अधिकारी यु. बी. निंबाळकर, शहर तलाठी सलमान तडवी व कोतवाल यांनी सील केला. थकबाकी भरून प्रशासनास सहकार्य करावे, असे आवाहन तहसीलदार सुचिता चव्हाण यांनी केले आहे.
- जळगावात रंगणार भावगीतांचा सुरेल संग्राम राज्यस्तरीय भावगीत स्पर्धा दि २७ रोजी
- ज्वारी, मका, बाजरीला सरकारचा हमीभाव; जळगाव जिल्ह्यातील ‘या’ १८ ठिकाणी खरेदी केंद्रे..
- आदिवासी बांधवांपर्यंत योजनांची माहिती पोहोचणार; जळगावात ‘सेवा संकल्प अभियान’च्या चित्ररथाचा शुभारंभ
- शिरपूर-चोपडा महामार्गावर भीषण अपघात; मध्यप्रदेशातील चौघांचा जागीच मृत्यू
- गणेशोत्सवात सर्वसामान्यांना दिलासा ! खाद्यतेल स्वस्त करण्यासाठी सरकार उचलणार मोठं पाऊल
