जळगाव लाईव्ह न्यूज । १० फेब्रुवारी २०२२ । येथून जवळच असलेल्या धानोरा गावाजवळ एका पादचारी महिलेला भरधाव चारचाकीने जोरदार धडक दिल्याची घटना गुरुवारी सायंकाळी ७ वाजेच्या सुमारास घडली. दरम्यान, अपघातानंतर लागलीच चालकाने पळ काढला. नागरिकांनी चारचाकी किनोद येथे अडवली.
जळगाव तालुक्यातील किनोद परिसरात अनेक मोलमजुरी करणारे कुटुंबीय राहतात. गुरुवारी रात्री ७ वाजेच्या सुमारास काही महिला पायी जात होत्या. धानोरा गावाजवळ भरधाव चारचाकी क्रमांक एमएच.१९.एएक्स.६०५५ ने दिलेल्या धडकेत मुन्नीबाई बारेला (वय-४०) हिचा जागीच मृत्यू झाला. घटनेनंतर चालकाने लागलीच पळ काढला असताना काही नागरिकांनी चारचाकी किनोद गावाजवळ अडवली.
दरम्यान, अपघातानंतर आदिवासी बांधवांनी भरपाईची मागणी केली. जवळपास तास दीड तास मृतदेह जागीच पडून होता. घटनास्थळी पोलीस आणि स्थानिक ग्रामस्थ पोहचल्यावर देखील सुमारे दीड तास जमाव जमलेला होता.
