जळगाव लाईव्ह न्यूज । ४ फेब्रुवारी २०२२। जळगावात कापड व्यावसायिकाने राहत्या घरात गळफास घेवून आत्महत्या केल्याची धक्कादायक घटना आज शुक्रवारी सकाळी उघडकीस आली आहे. सुरेशकुमार मिठूमल मताना (वय ५०, रा. सिंधी कॉलनी) असे आत्महत्या केलेल्या कापड व्यावसायिकाचे नाव असून याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.
शहरातील सिंधी कॉलनी राहणारे सुरेशकुमार मताना यांचे फुले मार्केट परिसरात कपडे विकून आपल्या कुटुंबियाचा उदरनिर्वाह करतात. गुरूवारी ३ फेब्रुवारी रोजी रात्री कुटुंबियासोबत जेवण करून झोपले. मध्यरात्री त्यांनी राहत्या घरात गळफास घेवून आत्महत्या केल्याची घटना शुक्रवार ४ फेब्रुवारी रोजी सकाळी उघडकीला आली. त्यांनी आत्महत्या का केली याबाबत माहिती मिळाली नाही.
नातेवाईकांनी मृतदेह खाली उतरवून जिल्हा शासकीय वैद्यकीय महाविद्यालयात आणण्यात आला. वैद्यकीय अधिकारी यांनी मयत घोषीत केले. त्यांच्या पश्चात पत्नी कमला, मुलगा दीपक, सुन हीर, नात यशीका असा परिवार आहे. याप्रकरणी वैद्यकीय अधिकारी डॉ. अच्छा यांनी दिलेल्या खबरीवरुन एमआयडीसी पोलिस ठाण्यात अकस्मात मृत्यूची नोंद करण्यात आली आहे. प्राथमिक तपास सचिन मुंढे हे करीत आहे.
हे देखील वाचा :
- जूनमध्ये होणाऱ्या संगणक टंकलेखन परीक्षेत मोठा बदल ; काय आहे आताच जाणून घ्या
- स्मिताताई वाघ यांच्या पदयात्रेला नागरिकांचा उत्स्फूर्त प्रतिसाद
- जळगावमार्गे पुणे-अयोध्या दरम्यान धावणार विशेष गाडी, वेळापत्रक जाणून घ्या
- भरीत करण्यापेक्षाही मतदान करणं सोपं ; जिल्हाधिकाऱ्यांचा मतदान जागृतीचा अनोखा पॅटर्न
- पक्षप्रवेशाविना एकनाथ खडसे भाजप कार्यालयात ; बैठकांमुळे कार्यकर्ते गोंधळात