जळगाव लाईव्ह न्यूज । ४ फेब्रुवारी २०२२ । जिल्ह्यात गुरुवारी १६० रुग्ण पॉझिटिव्ह आढळून आले असून, २८१ रुग्णांनी कोरोनावर मात केली आहे. एकीकडे बरे होणाऱ्या रुग्णांच्या संख्येत दिवसेंदवस वाढ होत असतानाच दुसरीकडे दिवसभरात आठवर्षीय सहव्याधिग्रस्त बालकाचा कोरोनाने मृत्यू झाल्याने चिंता निर्माण झाली आहे. दरम्यान, तिसऱ्या लाटेतील सर्वात कमी वयाचा मृत्यू आहे.
गुंतागुंतीचा क्षयरोग आणि न्यूमोनियाचा त्रास असल्याने धरणगाव तालुक्यातील झुरखेडा येथील आठवर्षीय बालकाला ३० जानेवारी रोजी शासकीय वैद्यकीय महाविद्यालय व रुग्णालयात दाखल करण्यात आले. प्रकृती गंभीर असल्याने बालकाला व्हेंटिलेटर लावण्यात आले होते. उपचार सुरू असतानाच बालकाचा कोरोना अहवालदेखील पॉझिटिव्ह आला होता. दरम्यान, बुधवारी सायंकाळी बालकाचा मृत्यू झाला. गुरुवारच्या शासकीय अहवालात या मृत्यूची मात्र नोंद नाही. आतापर्यंत जळगाव जिल्ह्यात ९ मृत्यू झाले असून, सर्व रुग्ण हे सहव्याधिग्रस्त होते. कोरोना कमी होत असला तरी व्याधिग्रस्तांना मात्र धोका अजूनही कायम आहे.
हे देखील वाचा :
- जळगाव जिल्ह्यात ३१ जुलैपर्यंत पावसाचा ‘येलो अलर्ट’; हवामान खात्याचा इशारा
- रोटरॅक्ट डिस्ट्रिक्ट ३०३० च्या ‘योगपर्व २०२६’ स्थापना समारंभ
- जळगाव जिल्ह्यात वाळूमाफियांवर पोलिसांची मोठी कारवाई; ८८ लाखांचा मुद्देमाल जप्त, २१ जणांवर गुन्हे दाखल
- कर्जमाफी योजनेतून जळगाव जिल्ह्यातील तब्बल ‘इतके’ हजार शेतकरी अपात्र?
- प्रवाशांना दिलासा ! जळगाव-भुसावळमार्गे धावणाऱ्या ‘या’ विशेष रेल्वे गाड्यांना मुदतवाढ
