जळगाव लाईव्ह न्यूज । तुषार देशमुख । चाळीसगाव शहरातील मध्यवर्ती ठिकाणी असलेल्या राष्ट्रीय ज्युनियर कॉलेज च्या परिसरात रोडरोमिओंचा उपद्रव दिवसेंदिवस वाढत चालला आहे. या कॉलेजच्या परिसरात ज्युनियर कॉलेजच्या वेळेमध्ये रोडरोमियो जास्त प्रमाणात सक्रिय असतात. अकरावी बारावीतील तरूणींचा पाठलाग करणे, कॉलेज तरुणींच्या मागे काही उद्देशाने गाडी घेऊन फिरणे, तासन तास कॉलेजच्या आतील व बाहेरील परिसरामध्ये उभे राहणे, विनाकारण टाईमपास करणे. इत्यादी प्रकार राष्ट्रीय कॉलेजच्या परिसरामध्ये सुरू आहे.
चाळीसगाव पोलिस स्टेशन तर्फे निर्भया पथक तयार करण्यात आले आहे. काही सामाजिक महिला संघटनांनी देखील यापूर्वी पोलीस निरीक्षकांना निवेदन वगैरे दिलेली आहे. पोलीस निरीक्षक के के पाटील यांनी सुद्धा रोडरोमिओंवर सक्त कारवाई केली जाईल असे सांगितले आहे. मात्र सध्या पोलिस प्रशासनाचे कॉलेज परिसरांमध्ये लक्ष नसल्याचे दिसून येत आहे. पोलीस प्रशासनाने व निर्भया पथकांनी पुन्हा सक्रिय होऊन या रोडरोमिओंचा त्वरित बंदोबस्त करावा अशी मागणी चाळीसगावातील सुज्ञ नागरिकांकडून होत आहे. कॉलेजचे प्राचार्य आणि प्राध्यापक यांनी सुद्धा ऑफिसच्या बाहेर येऊन कॉलेज परिसरामध्ये देखील लक्ष देण्याची गरज आहे.पालकांनी देखील कॉलेजला गेलेल्या आपल्या मुला-मुलींवर लक्ष ठेवण्याची गरज आहे.
हे देखील वाचा :
- जळगाव जिल्ह्यावासीयांसाठी खुशखबर! गिरणा धरणाची जलपातळी ८६ टक्क्यांवर पोहोचली!
- महादेव हॉस्पिटलमध्ये जन्मजात हृदयातील छिद्रावर अत्याधुनिक डीव्हाईस क्लोजर शस्त्रक्रिया यशस्वी
- चिंचोली उपकेंद्रात ५ एमव्हीए अतिरिक्त ट्रान्सफॉर्मरचे पालकमंत्री गुलाबराव पाटलांच्या हस्ते लोकार्पण
- आषाढी एकादशीनिमित्त बालरंगभूमी परिषदेतर्फे विविध कार्यक्रमांचे आयोजन
- जळगाव जिल्ह्यात वादळी वाऱ्यासह मुसळधार पाऊस कोसळणार; वाचा पुढील 5 दिवसाचा हवामान अंदाज?
