जळगाव लाईव्ह न्यूज । २५ जानेवारी २०२१ । वाढदिवसाच्या पार्टीत तलवारने केक कापणे ‘बर्थ डे बॉय’ला चांगलेच महागात पडले आहे. वाढदिवसाच्या पार्टीत मित्राच्या खांद्यावर बसून ‘भाई का बड्डे’ गाण्यावर नाचत तलावरीने केक कापतानाचा व्हिडीओ व्हायरल होताच पोलिसांनी ‘बर्थ डे बॉय’चा शोध घेत त्याला ताब्यात घेतले आहे. जोशात असलेल्या या बड्डेबॉयला वाढदिवसाची रात्र पोलीस ठाण्यात काढावी लागली.
याबाबत असे की, पंकज भानुदास चौधरी (वय २४) याचा वाढदिवस होता. जळगाव शहरातील चौगुल प्लॉट भागात त्याचा वाढदिवस साजरा झाला. यावेळी डीजेच्या तालावर ‘भाईचा बड्डे’ गाण्यावर नाच करणाऱ्या पंकजला मित्रांनी डोक्यावर उचलून घेतले. नाचत असताना पंकजच्या हातात तलवार देखील दिली. मग जोशात आलेल्या या ‘बर्थ डे बॉय’ने देखील तलवार हवेत भिरकवायला सुरुवात केली. दोघा मित्रांनी हातात केक घेऊन पंकजपर्यंत पोहोचवला. पंकजने नाचत असतानाच तलवारीने केक कापला. हा सर्व प्रकार वाढदिवसाला हजर असलेल्या तरुणांनी मोबाइलच्या कॅमेरात चित्रीत केला होता.
हा व्हिडिओ सोशल मीडियातून इतरत्र पोहोचवला गेला. त्यातील काही जणांनी हा व्हिडिओ पोलिसांपर्यंतही पोहोचला. पोलीस निरीक्षक बळीराम हिरे यांनी लागलीच या प्रकाराची माहिती काढली. व्हिडिओमधील ‘बर्थ डे बॉय’ पंकजची ओळख पटवण्यात आली. पोलिस पथकाने पंकज चौधरी याला लगेचच अटक केली. त्याच्याकडील तलवार पोलिसांनी ताब्यात घेतली आहे. या प्रकरणी राहुल घेटे यांच्या फिर्यादीवरून शनिपेठ पोलिस ठाण्यात सोमवारी रात्री उशिरा गुन्हा दाखल करण्यात आला आहे.
हे देखील वाचा :
- पारोळ्यातील बाधित भागांची पालकमंत्री गुलाबराव पाटलांसह जलसंपदा मंत्र्यांनी केली पाहणी
- अनुसूचित जाती व नवबौद्ध बचतगटांसाठी खुशखबर; मिनी ट्रॅक्टर खरेदीसाठी मिळणार ९० टक्के अनुदान
- जळगावात एफडीएची धडक कारवाई ! ५ हॉटेलचे परवाने निलंबित, ३८ लाखांचा गुटखा जप्त
- भुसावळमार्गे धावणार मुंबई–दानापूर एकेरी विशेष ट्रेन
- जळगाव शहर पोलिसांची चोरीच्या गुन्ह्याचा छडा; तीन आरोपी अटकेत, १० हजारांची रोकड जप्त
