जळगाव लाईव्ह न्यूज । १२ जानेवारी २०२१ । दिवसेंदिवस अत्याचाराच्या घटनांमध्ये वाढ होत असल्याचे दिसून येतेय. अशात एका सहा वर्षीय बालिकेवर अत्याचार झाल्याची घटना समोर आली आहे. चोपडा तालुक्यातील आडगाव हा प्रकार घडला असून संशयित नराधम पसार झाला आहे. याबाबत चोपडा शहर पोलिसात गुन्हा दाखल करण्यात आला आहे.
याबाबत असे की, आडगाव येथील रहिवासी असलेल्या सहा वर्षीय बालिकेवर, संशयित बाबुलाल बारकू भिल याने १० रोजी आडगाव येथे लैंगिक अत्याचार केला. संशयित नराधम याने बालिकेला बोरे खाण्यासाठी माझ्यासोबत चल असे सांगून सोबत नेले. आडगाव येथील नाल्यामध्ये नेऊन हात बांधून संशयिताने तिच्यावर अत्याचार केला.
याप्रकरणी चोपडा शहर पोलिसात कोकीळाबाई भिल यांच्या फिर्यादीवरून कलम ३५४, बालकांचे लैंगिक शोषण कलम ८, १२ प्रमाणे गुन्हा दाखल करण्यात आला आहे. पुढील तपास पोलिस उपनिरीक्षक घनश्याम तांबे करत आहेत. या घटनेमुळे खळबळ उडाली असून, पोलिस संशयिताचा शोध घेत आहेत.
हे देखील वाचा :
- जळगावकरांचे प्रचंड आभारी आहे; “हॅट्ट्रिक” साधून विजयी झाल्यानंतर आ. राजूमामांची प्रतिक्रिया
- जळगाव ग्रामीणमध्ये गुलाबराव पाटीलांचा पुन्हा विजय ; विरोधकांना चारली धूळ
- जळगाव शहरातून राजूमामा भोळे यांची विजयी हॅट्रिक
- महाराष्ट्र्रात पुन्हा महायुतीचे सरकार; ‘या’ 5 मुद्द्यांमुळे मिळाला विजय..
- जळगाव जिल्ह्यात मविआला धोबीपछाड! सर्वच ११ जागांवर महायुतीचा विजय निश्चित
