जळगाव लाईव्ह न्यूज । ६ जानेवारी २०२१ । रस्त्याने पायी चालणाऱ्या तरुणाच्या वरच्या खिश्यामधून मोबाईल व ३०० रुपये, असा १३ हजार रुपयांचा मुद्देमाल हिसकावल्याची घटना घडली. ही घटना अमळनेर येथील गांधलीपुरा भागातील डॉ.बाबासाहेब आंबेडकर पुतळ्याजवळ घडली. याप्रकरणी अमळनेर पोलिसांत गुन्हा दाखल झाला.
याबाबत गजेंद्र कुमारसिंग पाटील (रा.पात्री जवखेडा, ता.जि. जळगाव) यांनी फिर्याद दिली. ४ रोजी रात्री ते गांधलीपुरा परिसरात क्रूझर गाडीने (क्र.एम एच ०६-ए.एफ.०५२०) ने आले होते. सुभाष चौकात गाडी लावून ते शेतकी संघ रस्त्याने पायी जात होते. त्यावेळी पाठिमागून आलेल्या अज्ञात संशयिताने वरच्या खिशातील १० हजारांचा मोबाईल व पॅन्टच्या खिशातील पाकिट हिसकावून नेले.
पाकिटात ३०० रुपये, वाहन चालक परवाना व आधारकार्ड होते. याप्रकरणी कलम ३९२ नुसार गुन्हा दाखल झाला. पुढील तपास पोलिस हेड कॉन्स्टेबल शरीफ पठाण करत आहेत. अज्ञात चोरट्याचा पोलिस शोध घेत आहेत. या घटनेमुळे खळबळ उडाली आहे.
हे देखील वाचा :
- यावल-सावखेडा मार्गावर धोकादायक फांद्या छाटा व फलक लावा; ॲड. देवकांत पाटलांची PWD कडे मागणी
- जळगाव जिल्ह्यावासीयांसाठी खुशखबर! गिरणा धरणाची जलपातळी ८६ टक्क्यांवर पोहोचली!
- यावल आयटीआयमध्ये विविध पदांसाठी भरती; ३१ जुलैपर्यंत अर्ज करण्याची संधी
- गोदावरी अभियांत्रिकी महाविद्यालयाचा ’अलुम्नी मीट २०२६’ उत्साहात संपन्न
- महादेव हॉस्पिटलमध्ये जन्मजात हृदयातील छिद्रावर अत्याधुनिक डीव्हाईस क्लोजर शस्त्रक्रिया यशस्वी
