जळगाव लाईव्ह न्यूज । १६ सप्टेंबर २०२१ । चाळीसगाव तालुक्यातील बोढरे येथील १७ वर्षीय तरूणाचा विहीरीच्या पाण्यात बुडून मृत्यू झाला आहे. ही घटना आज गुरुवारी दुपारी घडली आहे. अनिल शिवाजी राठोड (वय-१७) असे मृत तरुणाचे नाव असून या घटनेने परिसरात एकच खळबळ उडाली आहे.
याबाबत असे की, बोढरे येथील अनिल राठोड याच्या घरची परिस्थिती हलाखीची असून आई-वडील ऊसतोडीणीचे कामे करून कुटुंबाचे उदरनिर्वाह करीत आहेत. दरम्यान, अनिल याचा आज दुपारी गावालगतच्या शिवारातील एकाच्या विहीरीच्या पाण्यात बुडून मृत्यू झाल्याची घटना उघडकीला आली आहे.
या घटनेने परिसरात एकच खळबळ उडाली आहे. घटनेची माहिती मिळताच पोलिसांनी घटनास्थळी धाव घेऊन पंचनामा करण्यात आला. अनिल राठोड याच्या मृतदेहाला शवविच्छेदनासाठी चाळीसगाव ग्रामीण रूग्णालयात नेण्यात आले आहे.
