जळगाव लाईव्ह न्यूज । १४ जानेवारी २०२६ । जळगाव महापालिकेच्या निवडणुकांसाठी गेल्या काही दिवसांपासून सुरू असलेला प्रचार मंगळवारी सायंकाळी बंद असून आता उत्सुकता आहे ती मतदान आणि निकालाची. उद्या म्हणजेच १५ जानेवारीला महापालिकेच्या निवडणुकांसाठी मतदान होणार असून यासाठी प्रशासन सज्ज झालं आहे.
जळगाव शहराच्या महानगरपालिकेच्या ७५ जागांसाठी ही निवडणूक होणार आहे. यामध्ये १२ उमेदवार हे बिनविरोध झालेले आहेत. ६३ जागांसाठी ३२१ उमेदवार हे निवडणुकीच्या रिंगणात आहे.
जळगाव शहरामध्ये मागच्या १० ते ११ दिवसांपासून सुरु असलेला निवडणुकीच्या प्रचाराच्या तोफा मंगळवारी संध्याकाळी थंडावल्या. यानंतर आता मतदान आणि मतमोजणीच्या दृष्टीने प्रशासन सज्ज झाले आहे. या पार्श्वभूमीवर वखार महामंडळाच्या गोडाऊन मधून मतदानासाठी लागणारे ईव्हीएम मशीन व साहित्य वाटप होत आहे. जळगाव शहराच्या मतदान प्रक्रियेसाठी 3055 अधिकारी व कर्मचारी यांची निवड करण्यात आली आहे.
