जळगाव लाईव्ह न्यूज । ४ ऑक्टोबर २०२४ । जळगाव जिल्ह्यातील पाचोरा शहरात नवरात्रोत्सवात दांडिया खेळताना चक्कर येऊन कोसळून 28 वर्षीय तरुणाचा दुर्दैवी मृत्यू झाल्याची घटना समोर आली आहे. लखन वाधवाणी असे मृत्यू झालेल्या तरुणाची नाव असून या घटनेने एकच खळबळ उडाली.
याबाबत असे की, नवरात्रोत्सवाच्या पहिल्या दिवशी सिंधी कॉलनी रोडवर असलेल्या, गरबा महोत्सवात दांडिया खेळत असताना सिंधी कॉलनी येथील रहिवासी असलेल्या लखन वाढवानी या तरुणाला अचानक चक्कर येऊन तो खाली कोसळल्याने सहकाऱ्यांनी त्यास तातडीने खाजगी रुग्णालयात दाखल केले.
मात्र डॉक्टरांनी त्यास मृत घोषित केले. हृदय विकाराच्या झटक्याने मृत्यू झाल्याचा अंदाज व्यक्त केला जात आहे, नवरात्रउत्सवाच्या पहिल्याच दिवशी झालेल्या या दुर्घटनेमुळे पाचोरा शहरावर शोककळा पसरली आहे.
