जळगाव लाईव्ह न्यूज । २१ फेब्रुवारी २०२२ । यावल तालुक्यातील कोसगाव येथील ३८ वर्षीय तरूणाने राहत्या घरात साडीच्या सहाय्याने गळफास घेवून आत्महत्या केल्याची घटना रविवारी उघडकीस आली. गणेश संताजी पाटील (वय ३८) असे मयत तरुणाचे नाव आहे. याबाबत फैजपूर पोलीस ठाण्यात अकस्मात मृत्यूची नोंद करण्यात आली आहे.
याबाबत असे की, कोसगाव येथील गणेश पाटील हा आपल्या कुटुंबियांसह वास्तव्याला असून तो मिळेल ते काम करून आपल्या कुटुंबाचा उदरनिर्वाह करत होता. दरम्यान, त्याने रविवारी दुपारी राहत्या घरात साडीने गळफास घेवून आत्महत्या केली. आत्महत्या करण्याचे नेमके कारण कळू शकले नाही. नातेवाईकांनी त्याला तातडीने यावल ग्रामीण रूग्णालयात उपचारार्थ दाखल केले असता त्याचा मयत घोषीत केले.
फैजपूर पोलीसात समाधान पाटील यांच्या खबरीवरून अकस्मात मृत्यूची नोंद करण्यात आली आहे. मृतदेहावर यावल ग्रामीण रुग्णालयात डॉ.शुभम तिडके शवविच्छेदन करीत आहे. पुढील तपास हवालदार महेश वंजारी, गोकूळ तायडे करीत आहे.
हे देखील वाचा :
- सोने-चांदी खरेदी करणाऱ्यांसाठी निराशाजनक बातमी ; किमतीत पुन्हा वाढल्या..
- उज्ज्वल निकम लोकसभा निवडणुकीच्या रिंगणात? या मतदारसंघातून लढणार?
- रक्षा खडसेंची संपत्ती 10 वर्षात किती कोटींनी वाढली? प्रतिज्ञापत्रातून संपत्तीचा आकडा समोर
- आयसीआयसीआय बँकेने केले 17000 क्रेडिट कार्ड ब्लॉक ; ‘हे’ आहेत कारण?
- भुसावळ मार्गे 28 जूनपर्यंत पुरी-उधना विशेष एक्स्प्रेस धावणार ; महाराष्ट्रातील ‘या’ स्थानकांवर आहेत थांबे?