जळगाव लाईव्ह न्यूज । २३ डिसेंबर २०२१ । यावल तालुक्यातील किनगाव येथील एका २७ वर्षीय युवकाने प्रेमभंग झाल्याच्या कारणातून राहत्या घरात गळफास घेऊन आत्महत्या केल्याची धक्कादायक घटना बुधवारी उधडकिस आली. समाधान महाजन (वय २७) असे मृत युवकाचे नाव असून आत्महत्येपूर्वी भिंतीवर प्रेमभंग झाल्याने आपण आत्महत्या (Suicide) करीत असल्याचे लिहिलेले आढळून आले. या घटनेनं परिसरात खळबळ उडाली आहे. याप्रकरणी अकस्मात मृत्यूची नोंद करण्यात आली.
याबाबत असे की, किनगाव येथील राजू महाजन हे आपल्या पत्नी दोन मुले व लहान मुलाची सूनसह जिप शाळेजवळ राहतात. दरम्यान बुधवारी ते त्यांची पत्नी, लहान मुलगा व लहान मुलाची पत्नी त्यांचेसह सर्व शेतात कामाला गेले होते.
तर त्यांचा अविवाहित मोठा मुलगा समाधान महाजन (वय २७) हा घरी एकटा होता. त्याच वेळेस गळफास घेऊन समाधान याने आत्महत्या केली. हा प्रकार महाजन कुटुंबीय सायंकाळी साडेपाचला शेतातून घरी परतले तेव्हा उघडकीस आला. सदर प्रकार पाहून महाजन कुटुंबीय प्रचंड हादरले.
आत्महत्येपुर्वी लिहिले भिंतीवर
याबाबतची माहिती पोलिसांना (Police) दिली असता घटनास्थळी पोलिस उपनिरीक्षक जितेंद्र खैरनार पथकासह दाखल झाले. त्यांनी घटनास्थळाचा पंचनामा करून मृतदेह यावल ग्रामीण रुग्णालयात पाठवला. समाधान याने आत्महत्येपूर्वी भिंतीवर प्रेमभंग झाल्याने आपण आत्महत्या (Suicide) करीत असल्याचे लिहिलेले आढळून आले. समाधान महाजन याने बारावीनंतर आयटीआयचे शिक्षण करून तो वडिलांसोबत शेतीकाम करायचा. या प्रकरणी यावल पोलिसात मयत समाधान महाजन यांचा भाऊ योगेश महाजन यांनी दिलेल्या खबरवरून अकस्मात मृत्यूची नोंद करण्यात आली असून पुढील तपास सहायक फौजदार अजित शेख हवालदार नरेंद्र घुले करीत आहेत. मयत तरुणाच्या पश्चात आई- वडील, लहान भाऊ, वाहिनी असा परिवार आहे.
हे देखील वाचा :
- सणासुदीआधी महागाईचा झटका! डिटर्जंट, पेंट्स, टायरपेंटपर्यंत ‘या’ वस्तू महागणार?
- आपत्तीनंतरही सतर्क राहा ; जिल्हाधिकारी रोहन घुगे यांचे आवाहन
- अण्णाभाऊ साठे यांचे विचार म्हणजे सामाजिक समता आणि स्वाभिमानाची चिरंतन प्रेरणा – पालकमंत्री गुलाबराव पाटील
- डॉ. उल्हास पाटील वैद्यकीय महाविद्यालयात जागतिक स्तनपान सप्ताहाला उत्साहात प्रारंभ
- डॉ. उल्हास पाटील वैद्यकीय महाविद्यालयात ‘बायोक्वेस्ट २०२६’ बायोकेमिस्ट्री क्विझ स्पर्धा उत्साहात
