जळगाव लाईव्ह न्यूज । ३० एप्रिल २०२१ । जळगाव शहरातील पिंप्राळा पसिरातील शिंदे नगरातील एका महिलेने राहत्या घरात गळफास घेऊन आत्महत्या केल्याची घटना गुरुवारी उघडकीस आली आहे. कविता प्रवीण लोखंडे (वय ३१) असे मृत महिलेचे नाव आहे. या घटनेमागचे कारण अद्याप स्पष्ट झालेले नाही.
कविता यांनी राहत्या घरात कॉटवर लाकडी स्टूल ठेऊन ओढणीने गळफास घेतला. गुरुवारी सकाळी १० वाजता हा प्रकार कुटुंबीयांच्या लक्षात आला. त्यांनी कविता यांना शासकीय वैद्यकीय महाविद्यालय व रुग्णालयात दाखल केले. वैद्यकीय अधिकाऱ्यांनी तपासणी करुन त्यांना मृत घोषित केले.
---Advertisement---
रामानंदनगर पोलिसांनी घटनास्थळ गाठून पंचनामा केला. याप्रकरणी दामोदार लोखंडे यांनी दिलेल्या खबरीवरुन रामानंदनगर पोलिस ठाण्यात अकस्मात मृत्यूची नोंद करण्यात आली आहे. पुढील तपास सुनील पाटील हे करीत आहे.
