---Advertisement---
जळगाव जिल्हा हवामान

उद्यापासून दोन दिवस उत्तर महाराष्ट्रावर अवकाळी पावसाचे सावट, शेतकऱ्यांनो पिकांची काळजी घ्या…

---Advertisement---

जळगाव लाईव्ह न्यूज । १२ मार्च २०२३ । शेतकऱ्यांची पुन्हा चिंता वाढवणारी बातमी आहे. राज्यात उद्या साेमवारपासून पुढील ४ दिवस अवकाळी पावसाचे सावट राहणार आहे. विदर्भ, मराठवाडा आणि उत्तर महारा‌ष्ट्रात अवकाळी पावसाची शक्यता वर्तवली जात आहे.

rain monsoon

दरम्यान, ४ मार्चपासून राज्यातील विविध भागात अवकाळी पावसाने हजेरी लावली. यामुळे काही भागात शेतकऱ्यांचे मोठे नुकसान झाले आहे. सोबत अवकाळीमुळे राज्यात ढगाळ वातावरण झाल्याने तापमानाचा पारा काहीसा घसरला होता.

---Advertisement---

मात्र दोन चार दिवसापासून राज्यातील अनेक भागात तापमानाचा पारा वाढलेला दिसून आला आहे. समुद्र किनारपट्टीवर वाढत्या‎ तापमानात आर्द्रतेमुळे उकाडा असह्य‎ झाल्याने मुंबई ते केरळपर्यंत उष्णतेची‎ लाट निर्माण झाली आहे. दुसरीकडे‎ उर्वरित महाराष्ट्रात साेमवारपासून‎ अवकाळी पावसाचे सावट असल्याने‎ काहीशा ढगाळ वातावरणात कमाल‎ आणि किमान तापमानात घट झालेली‎ आहे.

भारत माैसम विभागाने‎ राज्यावरील अवकाळी पावसाचे सावट‎ १८ मार्चपर्यंत लांबणार असल्याचा‎ अंदाज शनिवारी वर्तवला आहे.‎ जळगावसह उत्तर महाराष्ट्रात १३ व १४‎ मार्च असे दाेन दिवस अवकाळी पाऊस‎ हाेण्याची शक्यता असल्याने गहू,‎ हरभरा, मक्याचे नुकसान हाेऊ शकते.‎

Join WhatsApp Channel

Join Now

google-newsFollow on Google News

Join Now

---Advertisement---