जळगाव लाईव्ह न्यूज । २८ ऑगस्ट २०२४ । जळगाव शहरामधून गेलेल्या राष्ट्रीय महामार्गावर होणाऱ्या अपघाताच्या घटना काही कमी होताना दिसत नाहीय. अशातच शहरातील महामार्गावरील मानराज पार्क ते गुजराल पेट्रोल पंपादरम्यान भीषण अपघाताची घटना समोर आलीय. ट्रकने दिलेल्या जोरदार धडकेत दुचाकीस्वार दोन तरुणी जागीच ठार झाल्या तर एक वर्षीय चिमुकला जखमी झाल्याची घटना आज बुधवारी दुपारी १.५० वाजेच्या सुमारास घडली. घटनास्थळी मोठा जमाव जमला.
काय आहे घटना?
या घटनेबाबत असे की, दोन तरुणीसह एक चिमुकला आज बुधवारी दुपारी १.५० वाजेच्या सुमारास दुचाकी क्रमांक एमएच.१८.एएस.५३७९ ने खोटेनगर स्टॉपकडून उड्डाण पुलाने मानराज पार्ककडे जात होते. उड्डाणपूल उतरताच भरधाव ट्रकने त्यांना धडक दिली. अपघातात दोघींचा जागीच मृत्यू झाला असून चिमुकला जखमी झाल्याचे समजते.
यादरम्यान घटनास्थळी मोठा जमाव जमला असून पोलीस पोहचले आहेत. दरम्यान, घटनेनंतर ट्रक चालक पसार झाल्याचं कळतंय.
