जळगावच्या खड्ड्यांचा असाही फायदा : दुचाकी घसरल्याने चोरटा जेरबंद, चौकात ‘पब्लीक मार’

जळगाव लाईव्ह न्यूज । २५ जानेवारी २०२२ । शहरात सर्वत्र अमृत योजनेंतर्गत भूमिगत गटारी व पाइपलाइनचे काम सुरू आहे. रस्ते खोदून तात्पुरत्या स्वरूपात डागडुजी केली आहे. सिंधी कॉलनीतून एका तरुणाच्या हातातून मोबाइल हिसकावून पळून जाणाऱ्या भामट्यांची दुचाकी खडबडीत रस्त्यावरून घसरली. त्यात एक जमावाच्या हाती लागला तर दुसरा पळून गेला. सापडलेल्या भामट्याला नागरिकांनी चाेप दिला.

अमित नरसिंग पावरा (वय २७, रा. मूजे महाविद्यालय परिसर) हा तरुण रविवारी सायंकाळी ७.३० वाजता सिंधी कॉलनी परिसरातून पायी जात होता. यावेळी एका दुचाकीवरून आलेल्या दोन भामट्यांनी त्याच्या हातातील १० हजार रुपये किमतीचा मोबाइल हिसकावून कंजरवाडा परिसराकडे पळ काढला.दरम्यान, सिंधी कॉलनी ते पांडे चौक या रस्त्यावर अमृतचे काम सुरू असल्याने रस्ता खड्डेमय झाला आहे. त्या रस्त्यावरून पळून जात असताना या भामट्यांची दुचाकी घसरली. त्यामुळे दोघे दुचाकीसह रस्त्यावर कोसळले. पाठलाग करणाऱ्या लोकांच्या हाती ते सापडले. एक भामटा अंधाराचा फायदा घेत पसार झाला. तर दुसऱ्या १६ वर्षीय अल्पवयीन मुलास नागरिकांनी पकडले.

हे देखील वाचा :

• जळगावात आणखी एक अपघात; ट्रॅक्टरच्या धडकेत दुचाकीस्वार तरुण ठार
• जळगाव शहरातील महामार्गावर पुन्हा अपघात; दुचाकीस्वार वृद्धाला अज्ञात वाहनाने चिरडले
• Jalgaon : दुचाकी लांबविणारे दोघे चोरटे पोलिसांच्या जाळ्यात
• Pachora : वाळू माफियांकडून महसूल पथकातील कर्मचाऱ्यांना धक्काबुक्की, चौघांना अटक
• धक्कादायक ! अभिनेता सैफ अली खानवर चाकू हल्ला, रुग्णालयात दाखल