‘व्हॅलेंटाईन डे’ला पोलिसांची मध्यस्थी अन् प्रेमीयुगलाच्या लव्हस्टोरीला सुखद वळण…

जळगाव लाईव्ह न्यूज । १५ फेब्रुवारी २०२२ । प्रेमीयुगलांचे वृत्त अनेकांना वाचायला आवडते. असेच एक वृत्त जामनेर तालुक्यात समोर आले आहे, वडाळी येथील मुलगा आणि ढालगाव येथील मुलगी हे प्रेमीयुगल मागील चार दिवसांपासून पळून गेले होते. ते सोमवारी थेट पहूर पोलिस ठाण्यात हजर झाले. त्यानंतर पोलिसांनी दोघांच्या संमतीने त्यांच्या कुटुंबियांच्या उपस्थितीत दोघांचे लग्न लावले. ‘व्हॅलेंटाइन डे’च्या मुहूर्तावर लग्नाचा बार उडाला.

वडाळी येथील अमीन गंभीर तडवी (वय २१) व ढालगाव येथील इरशाद जब्बार तडवी (वय २१) यांचे एकमेकांवर प्रेम होते. घरातील मंडळी लग्नाला विरोध करतील म्हणून दोघांनी गुरुवारी (दि.१०) पळून जात थेट अहमदाबाद गाठले. नंतर सोमवारी (दि.१४) दोघे पहूर पोलिस ठाण्यात आले. पोलिस निरीक्षक प्रताप इंगळे यांनी त्यांची समजूत काढली, परंतु प्रेमीयुगलाने आमचे लग्न लावून देण्याची विनंती केली. त्यामुळे इंगळे यांनी दोघांच्याही नातेवाईकांना बोलावून माहिती दिली. यावेळी जि.प.चे माजी सदस्य राजधर पांढरे, पहूरपेठचे उपसरपंच शाम सावळे, वडाळीचे माजी सरपंच सुधाकर पाटील यांच्यासह पोलिस अधिकारी व कर्मचारी उपस्थित होते. दोघांच्या नातेवाईकांच्या उपस्थितीत पोलिस ठाण्यात त्यांचे लग्न लागले.

हे देखील वाचा :

• ‘न्याय विश्वास फाउंडेशन’च्या कायदेविषयक शिबिराला उत्स्फूर्त प्रतिसाद ; ६०० हून अधिक नागरिकांनी घेतला लाभ
• जळगावात रंगणार भावगीतांचा सुरेल संग्राम; २७ सप्टेंबरला ‘गोदावरी करंडक भावगीत स्पर्धा आयोजित
• गोदावरी अभियांत्रिकी महाविद्यालयाच्या यंत्र विभागाच्या विद्यार्थ्यांना प्रत्यक्ष औद्योगिक अनुभव
• दुष्काळग्रस्त भागातील विद्यार्थ्यांना संपूर्ण परीक्षा शुल्कमाफी; अभाविपच्या मागणीला यश
• दिवाळीत जळगाव-भुसावळ मार्गे धावणार ‘एवढ्या’ विशेष रेल्वेगाड्या ; पाहा संपूर्ण वेळापत्रक!