⁠ 
बुधवार, एप्रिल 24, 2024

शेअर मार्केटमध्ये वेगाने होतेय वाढ; या ‘शेअर्स’ मध्ये झाली वाढ

जळगाव लाईव्ह न्यूज। २६ जुलै २०२३। महाराष्ट्र बँकिंग आणि एमएमसीजी शेअर्समध्ये खरेदीमुळे बाजारात चमक दिसून आली. या तेजीत रिलायन्स इंडस्ट्रीजचाही वाटा आहे. आजच्या व्यवहाराअंती BSE सेन्सेक्स 351 अंकांच्या तेजीसह 66,707 अंकांवर बंद झाला आहे. तर राष्ट्रीय शेअर बाजाराचा निफ्टी 98 अंकांच्या वाढीसह 19,778 अंकांवर बंद झाला. बुधवारचे ट्रेडिंग सत्र भारतीय शेअर बाजारातील गुंतवणूकदारांसाठी अतिशय चांगले राहिले

आजच्या ट्रेडिंग सत्रावर नजर टाकली तर ऑटो आणि कंझ्युमर ड्युरेबल्स वगळता सर्वच क्षेत्रातील शेअर्स तेजीसह बंद झाले. बँकिंग, आयटी, फार्मा, मेटल्स, एनर्जी, मीडिया, एफएमसीजी, हेल्थकेअर क्षेत्रातील शेअर्स तेजीसह बंद झाले. मिड-कॅप आणि स्मॉल-कॅप शेअर्सनीही चांगली कामगिरी केली. आजच्या व्यवहाराअंती सेन्सेक्समधील 30 शेअर्सपैकी 19 शेअर्स वाढले तर 11 शेअर्स घसरले. तर निफ्टीच्या 50 शेअर्सपैकी 33 शेअर्स वाढीसह आणि शेअर्स घसरले.

बीएसई सेन्सेक्सवरील लार्सन अँड टुब्रोचा शेअर आज सर्वाधिक 3.30 टक्क्यांच्या वाढीसह बंद झाला. त्याचप्रमाणे आयटीसीचे शेअर्स 2.11 टक्‍क्‍यांनी, सन फार्माचे शेअर्स 1.70 टक्‍क्‍यांनी, रिलायन्स इंडस्‍ट्रीजचे शेअर्स 1.65 टक्‍क्‍यांनी, कोटक महिंद्रा बँकेचे शेअर्स 1.12 टक्‍क्‍यांनी, अ‍ॅक्सिस बँकेचे शेअर्स 1.10 टक्‍क्‍यांनी आणि इन्फोसिसचे शेअर्स 1.07 टक्‍क्‍यांनी वाढले.

बजाज फायनान्सला सेन्सेक्समध्ये सर्वाधिक 2.29 टक्‍क्‍यांची घसरण झाली. त्याचप्रमाणे बजाज फिनसर्व्ह, महिंद्रा अँड महिंद्रा, टेक महिंद्रा, एशियन पेंट्स, टायटन, अल्ट्राटेक सिमेंट, एचडीएफसी बँक आणि आयटीसीचे शेअर्स घसरणीसह बंद झाले. तर, आज अमेरिकन डॉलरच्या तुलनेत रुपया 13 पैशांनी घसरून 82 वर बंद झाला. मागील सत्रात तो 81.87 च्या पातळीवर बंद झाला होता.

शेअर बाजारातील नेत्रदीपक तेजीमुळे आजच्या व्यवहारात गुंतवणूकदारांच्या संपत्तीत वाढ झाली आहे. BSE वर सूचीबद्ध कंपन्यांचे मार्केट कॅप 303.92 लाख कोटी रुपये झाले आहे, जे मागील ट्रेडिंग सत्रात 301.95 लाख कोटी रुपये होते. आजच्या सत्रात गुंतवणूकदारांच्या संपत्तीत 1.97 लाख कोटी रुपयांची वाढ झाली आहे.