जळगाव लाईव्ह न्यूज । ३० डिसेंबर २०२१ । पारोळा तालुक्यातील तामसवाडी येथील तीन जणांनी दुकानदाराला मारहाण करत, दुकानाची तोडफोड केल्याचे समोर आले आहे. या प्रकरणी येथील पोलिसात तिघांवर गुन्हा दाखल झाला आहे.
सविस्तर असे की, २५ रोजी सायंकाळी फिर्यादी महेश पारधी व त्यांची बहीण तामसवाडी येथे आपल्या दुकानात पाववडे काढून विकत होते. गावातील बापू शांताराम महाजन, नवल माणिक बिरारी, दीपक रवींद्र हिवरे यांनी त्यांना मारहाण करत जातिवाचक शिवीगाळ केली. तसेच दुकानाची तोडफोड करत दुकानाचे सुमारे पाच हजार रुपयांचे नुकसान केले. संशयितांनी फिर्यादीच्या बहिणीसोबतही वाद घातला. याबाबत २९ रोजी पारोळा पोलिसात गुन्हा दाखल करण्यात आला आहे. या घटनेमुळे गावातील शांततेला बाधा पोहोचली. काहीवेळ तणाव निर्माण झाला. मात्र, ग्रामस्थांनी धाव घेत मध्यस्थी केल्यामुळे वाद मिटवण्यात आला होता.
हे देखील वाचा :
- Amalner : दूध विक्रीकरून वडिलांना हातभार लावणाऱ्या ‛भाग्यश्री’चा अज्ञात वाहनाने घेतला जीव
- Bhusawal : गावठी कट्ट्याने गोळी झाडून प्रौढाने संपविले जीवन
- विजेच्या धक्क्याने महावितरणच्या कंत्राटी कामगाराचा मृत्यू ; मुक्ताईनगर तालुक्यातील घटना
- जामनेरात वऱ्हाडीच्या वाहनाला भीषण अपघात ; नवरदेवाचा काका जागीच ठार, नऊ जण जखमी
- जामनेर तालुक्यामध्ये तीन अपघातात तीन जण ठार ; ११ जखमी
