जळगाव लाईव्ह न्यूज । ३० मार्च २०२२ । शेतात बांधलेल्या बैलावर बिबट्याने हल्ला करून ठार केल्याची खळबळजनक बाब समोर आली आहे. ही घटना तोंडापूर गावाच्या शेजारी असलेल्या शेतामध्ये २८ मार्चच्‍या रात्री घडली. यामुळे शेतकऱ्यांमध्ये घबराट निर्माण झाली आहे. घटनेचा वनविभागातर्फे पंचनामा करण्यात आला आहे.
तोंडापूर परिसरात दुबार पिकाची मोठ्या प्रमाणात लागवड केल्याने व (Banana) केळी, मक्‍याचेच्‍या पिकात पाणी व शिकारीच्या शोधात अजिंठा डोंगररांगामधील वन्यप्राणी मुक्तपणे वावरत आहेत. जामनेर (Jamner) रस्त्यावर दिवसा जाणाऱ्या गावकऱ्यांना बिबट्या आढळत असल्याचे तक्रारी करण्यात आल्या होत्या. बऱ्याच दिवसांपासून वावर असलेल्या बिबट्याने तोंडापूर गावाच्या शेजारी असलेल्या शेतकरी (Farmer) अंसार कय्युम पटेल याच्या शेतात झाडाच्या खाली बांधलेल्या जनावरांपैकी एका बैलावर बिबट्याने हल्ला करून ५०० मीटर अंतरावर ओडत नेवून फडशा पाडला.
बैलाल ओढत नेल्‍याची खूण
शेतात सकाळी गुडू पटेल हे शेतात गेले असता झाडाखाली बांधलेल्या बैल गायब असल्याचे लक्षात आले. त्यांनी शेतात शोधले असता ओडत नेल्याच्या खुणा आधळल्या. त्याच्या मार्ग काढला असता मक्‍याच्या शेतात बैल आढळून आला. तसेच बिबट्याच्या पायाचे ठस्से दिसून आले. तात्काळ वनविभागाचे कर्मचारी यांना माहिती देण्यात आली असता त्याच्याकडून पंचनामा करण्यात आला. याच शेतातून गेल्या दोन दिवस अगोदर एक बकरी गायब झाली असून त्या बकरीची शिकार करण्यात आल्याचे शेतकऱ्यांकडून सांगण्यात आले. मात्र बकरीचे अवशेष आढळून आले नसल्याने पुरावा नसल्यामुळे पंचनामा उल्लेख करण्यात आला नाही.
