जळगाव लाईव्ह न्यूज । १७ मे २०२१ । जिल्ह्यात आजपासून लॉकडाउनचे नियम अधिकच कडक केले असताना याच पार्श्वभूमीवर सावदा शहरात देखील नगरपालिकेतर्फे आज अनेक ठिकाणी कार्यवाही करून दंड वसूल करण्यात आला.
आज दी 17 रोजी सकाळी स्वत: मुख्याधिकारी सौरभ जोशी रस्त्यावर उतरले व त्यांनी 11 वाजे नंतर देखील व्यवसाय करणाऱ्या दुकान चालकाना दंडाच्या पावत्या दिल्या. यात 2 जणांना प्रत्येकी 5 हजार तसेच इतर ठीकानी 1 हजार अश्या प्रकारे एकूण 16 हजार रुपये दंड आकारण्यात आला. यावेळी मुख्याधिकारी सौरभ जोशी व पालिका कर्मचारी यांनी ही कार्यवाही केली.
दरम्यान सावदा पोलिसांनी देखील काही ठीकानी कार्यवाही केली यात शहरातील एका मोठा किराणा व्यवसायिकास मोठा दंड आकारण्यात आला असल्याचे समजते, यासर्व कार्यवाही मुळे शहरात व्यवसायिक मध्ये खळबळ उडाली.
