जळगाव लाईव्ह न्यूज । १५ एप्रिल २०२३ । भारतीय रेल्वेद्वारे दररोज लाखोंच्या संख्येने लोक प्रवास करीत असतात. त्यामुळे रेल्वेकडून वेळोवेळी प्रवाशांच्या सुविधेसाठी विविध निर्णय घेत असते. अशातच आता प्रवाशांचा प्रवास सुखकर करण्यासाठी रेल्वेने एका विशेष निर्णय घेतला आहे.
रेल्वेकडून मिळालेल्या माहितीनुसार, मेल आणि एक्स्प्रेस गाड्यांमध्ये शारीरिकदृष्ट्या विकलांग लोकांना लोअर बर्थ देण्याचा निर्णय घेण्यात आला आहे. यासोबतच शारीरिकदृष्ट्या विकलांग लोकांसोबत प्रवास करणाऱ्या लोकांना लोअर बर्थ देण्याचा निर्णयही घेण्यात आला आहे.
वृद्धांनाही सुविधा मिळणार?
यासोबतच रेल्वेने वृद्ध आणि महिलांसाठी लोअर बर्थची सुविधाही सुरू केली आहे. रेल्वे बोर्डाने आदेश जारी करून ही माहिती दिली आहे. रेल्वेने ३१ मार्च रोजी वेगवेगळ्या झोनसाठी आदेश जारी करून याबाबत माहिती दिली आहे.
रेल्वेने आदेश जारी केला
रेल्वेने जारी केलेल्या आदेशात असे म्हटले आहे की स्लीपर क्लासमध्ये चार जागा (दोन खालच्या आणि दोन मध्यम जागा), AC3 डब्यात दोन जागा (एक खालची आणि एक मध्यम जागा), AC3 (इकॉनॉमी) डब्यात दोन जागा (एक खालची आणि एक मधली जागा) शारीरिकदृष्ट्या विकलांग व्यक्ती आणि त्यांच्या परिचरांसाठी राखीव असेल.
पूर्ण भाडे द्यावे लागेल
यासोबतच गरीब रथ ट्रेनमध्ये अपंगांसाठी 2 लोअर बर्थ आणि 2 अपर सीट आरक्षित करण्याची तरतूद असल्याचे रेल्वे बोर्डाने म्हटले आहे. मात्र, या सुविधेसाठी या लोकांना पूर्ण भाडे द्यावे लागणार आहे. त्याचबरोबर ‘एसी चेअर कार’ ट्रेनमध्ये दिव्यांगांसाठी दोन जागा राखीव असतील.
गर्भवती महिलांनाही ही सुविधा मिळते
रेल्वेकडून मिळालेल्या माहितीनुसार, ज्येष्ठ नागरिक, 45 वर्षांवरील महिला आणि गर्भवती महिलांसाठी स्लीपर श्रेणीमध्ये 6 लोअर बर्थ राखीव आहेत. यासोबतच 3AC मध्ये प्रत्येक कोचमध्ये चार ते पाच लोअर बर्थ, 2AC मध्ये प्रत्येक डब्यात तीन ते चार लोअर बर्थ ठेवण्यात आले आहेत.
माहिती देताना अश्विनी वैष्णव यांनी सांगितले की, ज्येष्ठ नागरिकांना ट्रेनमध्ये कन्फर्म लोअर बर्थची सुविधा मिळत आहे. त्यासाठी रेल्वेमध्ये वेगळी तरतूद आहे. 45 वर्षांपेक्षा जास्त वयाच्या महिला प्रवाशांना लोअर बर्थसाठी कोणताही पर्याय निवडावा लागणार नाही. या प्रवाशांना रेल्वेच्या बाजूने आपोआप लोअर बर्थ मिळेल.
