जळगाव लाईव्ह न्यूज । ६ एप्रिल २०२१ । जळगाव शहरातील नेरीनाका येथील स्मशानभूमी केवळ दिवसा सुरु राहत असून रात्री ८-९ नंतर बंद राहत असल्याच्या तक्रारी गेल्या काही दिवसात सातत्याने येत होत्या. याविषयी विविध माध्यमातून बातम्या आल्यानंतर आता हि स्मशानभूमी २४ तास खुली ठेवण्याचा निर्णय प्रशासनाने घेतला आहे.
आता १० दिवसांपूर्वी २५ मार्चला रात्री ११ वाजेपर्यंत स्मशानभूमी प्रवेशद्वारावर नातेवाईक मृतदेह घेऊन आले होते. परंतु, स्मशानभूमी कुलूपबंद होती. तसेच तेथील कर्मचाऱ्यांचे फोन लागत नव्हते. नातेवाइकांनी अनेक लोकप्रतिनिधींना फोन केले. परंतु, त्याचा काहीच उपयोग झाला नाही. यामुळे मृतदेह पुन्हा रुग्णालयात नेण्याची वेळ नातेवाइकांवर आली होती.
यानंतर आता प्रशासनाला जाग आली असून राजू कोल्हे व महेंद्र पाटील या दोन कर्मचाऱ्यांची नियुक्ती महापालिकेने केली आहे. हे दोन्ही कर्मचारी रात्रभर स्मशानभूमीत थांबून मृतदेहांवर अंत्यसंस्कार करण्याचे काम करीत आहेत.
