जळगाव लाईव्ह न्यूज । जळगाव जिल्ह्यात नगरपरिषद आणि नगरपालिका निवडणुकीच्या प्रचार सभेला वेग आला असून उमेदवारांच्या प्रचारार्थ आयोजित सभेतून मित्र पक्षातील नेत्यावरही जोरदार निशाणा साधला जात आहे. यात भडगाव येथे भाजपच्या नगराध्यक्ष पदाच्या उमेदवारांच्या प्रचारार्थ आयोजित जाहीर सभेत मंत्री गिरीश महाजन यांनी मंत्री पक्षातील शिवसेना शिंदे गटाचे आमदार किशोर पाटील यांचे नाव न घेता त्यांच्यासह विरोधकांवर जोरदार टीका केली.
भडगावमध्ये ‘दोन नंबरवाल्यांना सत्ता देऊ नका, असे म्हणत मंत्री गिरीश महाजन यांची नाव न घेतला आमदार किशोर पाटील यांच्यावर टीका केली. भडगावची परिस्थिती संपूर्ण जिल्ह्यातील नगरपरिषदांपेक्षा सर्वात खराब असून शहरात “दोन नंबरचे धंदेवाले” पुढे आणले जात असल्याचा आरोप त्यांनी केला.
महाजन म्हणाले की, विरोधकांनी पैसेवाले, दारू-मटन वाटणारे आणि दोन नंबरच्या धंद्याशी संबंधित लोकांना उमेदवारी दिली असून अशा लोकांच्या हाती शहराचे नेतृत्व देणे धोक्याचे आहे. जामनेर-चाळीसगावमध्ये मोठी विकासकामे होत असतानाही भडगावमध्ये टक्केवारीचे व्यवहार आणि अकार्यक्षमता सुरू असल्याचेही ते म्हणाले.
शहराचा निर्णय आता जनतेने बदलाच्या दिशेने घ्यावा, असे आवाहन त्यांनी सभेच्या शेवटी करत भाजपाच्या नगराध्यक्ष पदाचे उमेदवार आणि सर्व नगरसेवकांना निवडून देण्याचे आवाहनही मंत्री गिरीश महाजन यांनी केले.
