अत्यावश्यक सेवा वगळता एरंडोल येथे बंदला चांगला प्रतिसाद

जळगाव लाईव्ह न्यूज । १७ मार्च २०२१ । वाढत्या कोरोना रुग्णांच्या पार्श्वभूमीवर एरंडोल शहरातील बंदला बुधवारी चांगला प्रतिसाद मिळाला आहे.

यादरम्यान, दवाखाने,मेडिकल, दुध डेअरी, बँका, शासकीय निमशासकीय कार्यालये इत्यादी सेवा वगळता कडकडीत बंद पाळण्यात आला. मात्र एका कापड दुकानदाराने मागच्या दरवाज्यातून सकाळी काहीवेळ कापड व लग्नाचा बस्ता विक्री केल्याची जोरदार चर्चा आहे.

मेन रोड च्या मुख्य बाजापेठेत दवाखाने,मेडिकल व दुध डेअरी, बँक, शासकीय निमशासकीय कार्यालये या सेवा सुरु होत्या.मात्र इतर दुकाने बंद आढळून आली. फुले आंबेडकर व्यापारी संकुल,म्हसावद नाक्यावरील व्यापारी संकुल,छत्रपती शिवाजी महाराज व्यापारी संकुल, शेतकी संघ व्यापारी संकुल याठिकाणी शुकशुकाट आढळून आला.दरम्यान बुधवार दरवाजा जवळ नागरिकांच्या अँटी जन टेस्ट घेण्यात आल्या.