जळगाव लाईव्ह न्यूज । २१ फेब्रुवारी २०२४ । फेब्रुवारीच्या तिसऱ्या आठवड्यातच तापमान वाढ होऊ लागली आहे. यामुळे उन्हाच्या झळा बसत आहे. जळगासह खान्देशात यंदा तापमान वाढीचे संकेत मिळाले असले तरी २१ ते २४ फेब्रुवारी या चार दिवसात कमाल तापमानात दोन अंशांनी घट होण्याची शक्यता आहे.
१९ फेब्रुवारी रोजी जळगाव शहरात ३६.२ तर भुसावळचे तापमान ३७.३ अंशावर होते. तर मंगळवारी जळगाव शहराचे तापमान ३५.५ अंशांवर होते. पुढील चार दिवस दिलासा मिळेल असे हवामान अभ्यासकांचे म्हणणे आहे. दरम्यान, जळगावातील तापमान ३५ अंशावर गेल्याने दुपारी उन्हाच्या झळा बसत आहे. तर रात्री दहा ते सकाळी सहा वाजेपर्यंत गुलाबी, बोचरी थंडी पडत आहे. रात्री थंडी तर दिवसा कडक ऊन, असा काहीसा अनुभव नागरिकांना येत आहे.
रुमाल, टोपीची विक्री वाढली
तापमान वाढत असल्यामुळे कडक उन्हापासून बचाव करण्याकरिता पारंपरिक खादी रुमाल तसेच फॅशनेबल कॅपला मागणी वाढत असून, शहरांमध्ये रुमाल व कॅपच्या दुकानांवर मोठ्या प्रमाणात विक्री होताना दिसून येत आहे