जळगाव लाईव्ह न्यूज । १६ फेब्रुवारी २०२२ । पारोळा तालुक्यातील उतरूड शिवारातील दुलसिंग सुक्राम भिल यांच्या शेतातील टेकडीवर बांधलेल्या झोपडीला, १५ रोजी पहाटे दीड ते दोन वाजेच्या सुमारास अचानक आग लागली. झोपडीला लागलेल्या आगीमुळे बऱ्यापैकी नुकसान झाले आहे.
झोपडीला लागलेल्या आगीमुळे संसारोपयोगी साहित्य जळाल्याने ५२ हजार रुपयांचे नुकसान झाल्याचा पंचनामा करण्यात आला आहे. आगीमुळे झोपडीतील ज्वारी, बाजरी, गहू, तांदूळ असे धान्य, व सोन्याचे दागिनेही जळाले. आगीत कोंबड्या व एक पारडू ठार झाले. आगीत दुलसिंग भिल यांच्या पत्नी बालंबाल बचावल्या. भिल यांनी वेळीच धाव घेत त्यांना वाचवले.
याबाबत माहिती मिळताच उतरूड, हिरापूर ग्रामस्थांनी घटनास्थळी धाव घेत मदतकार्य केले. घटनास्थळी तलाठी, ग्रामसेवक, सरपंच, पोलिस पाटील यांनी भेट दिली. ५२ हजार रुपये नुकसानीचा पंचनामा केला. याबाबत पारोळा पोलिस ठाण्यात अकस्मात आगीची नोंद करण्याचे काम सुरू होते. भरपाईची देण्याची ग्रामस्थांनी मागणी केली आहे.
हे देखील वाचा:
- जळगाव मनपा निवडणूक : प्रभाग ६ अ मधून हेतल पाटील यांचा उमेदवारी अर्ज दाखल
- जळगाव महापालिकेसाठी महायुतीकडून उमेदवारांची यादी जाहीर; वाचा प्रभागनिहाय उमेदवाराचे नाव?
- मोठी बातमी! राज्यातील या १४ महापालिकेत भाजप- शिवसेनेची युती तुटली
- प्रवाशांनो लक्ष द्या ! १ जानेवारीपासून रेल्वेच्या वेळापत्रकात बदल, भुसावळमार्गे धावणाऱ्या या गाड्यांचा समावेश
- अखेर महायुतीचे ठरलं ! जळगाव महापालिकेत कोणता पक्ष किती जागांवर लढणार?
