जळगाव लाईव्ह न्यूज : शहरातील पंचमुखी हनुमान मंदिराजवळून पल्सरवर आलेल्या दरोडेखोरांनी बंदुकीच्या धाकावर दोघांकडून तब्बल पंधरा लाख रुपये लुटून नेल्याची खळबळजनक घटना आज दुपारी ५ वाजेच्या सुमारास घडली.
सविस्तर वृत्त असे की, प्रभा पॉलीमार कंपनीचे पंधरा लाख रुपये घेवून संजय विभांडिक आणि संजय भावसार हे दोघं जण गणपती नगरकडे जात होते. दुपारी ५ वाजून २० मिनिटांनी पंचमुखी हनुमान मंदिराजवळील पद्मावती मंगल कार्यालयाजवळ अचानक पल्सरवर आलेल्या दरोडेखोरांनी बॅग हिसकावण्याचा प्रयत्न केला.
---Advertisement---
दरम्यान, भरदिवसा झालेल्या धाडसी चोरीमुळे व्यापाऱ्यांसह नागरिकांमध्ये प्रचंड भीतीचे वातावरण पसरलेले आहे. या वृत्ताला एमआयडीसी पोलिसांनी दुजोरा दिला आहे.
