जळगाव लाईव्ह न्यूज । १९ ऑक्टोबर २०२४ । भुसावळ तालुक्यातील कुऱ्हा पानाचे – मोंढाळा रस्त्यावर डंपर आणि पिकअप वाहनाचा अपघात होऊन त्यात एकाचा मृत्यू झाला. तर दोन जण जखमी झाल्याची घटना घडली. याप्रकरणी तालुका पोलिस ठाण्यात गुन्हा दाखल केला आहे.
या घटनेबाबत असे की, कुऱ्हा पानाचे ते मोंढाळा गावादरम्यान विजय कोळी यांच्या शेतासमोर पिकअप व्हॅन (एम.एच. १९, सी. वाय. ८०४९) व डंपर (एम.एच. १९ झेड. ३९४३) यांचा अपघात होऊन यात पिकअप चालक भावसिंग रामदास पवार (रा.धानोरी ता. बोदवड) याचा मृत्यू झाला.
त्याच्यासोबत असलेले प्रविण संजय जाधव, अजय आनंदा बेलदार हे गंभीर जखमी झाले. याबाबत ईश्वर संजू जाधव यांनी दिलेल्या फिर्यादीवरून तालुका पोलिस ठाण्यात गुन्हा दाखल केला आहे. पुढील तपास पोलिस निरीक्षक महेश गायकवाड यांच्या मार्गदर्शनाखाली सहायक निरीक्षक नंदकुमार काळे करीत आहेत.
