जळगाव लाईव्ह न्यूज । ६ सप्टेंबर २०२२ । क.ब.चौ.उत्तर महाराष्ट्र विद्यापीठ करीता नियमीत बसेस सुरू करण्यात यावी, अशी मागणी अखिल भारतीय विद्यार्थी परिषद च्या वतीने निवेदनाद्वारे करण्यात आली आहे.
आगार प्रमुख यांना सदर निवेदन देण्यात आले आहे. सकाळी 9 ते दुपारी 2 वाजता व दूपारी 5 वाजेला विद्यार्थी हित लक्षात घेवून बस सुरू करावी, तसेच धुळे व नंदुरबार येथून विद्यापीठ करता येणारे विद्यार्थी यांना विद्यापीठ थांबा न देता आपल्या बसेस सरळ निघून जातात. त्यामुळे विद्यार्थ्यांना त्रास सहन करावा लागतो. त्यासाठी आपण त्वरीत बस सुरू करून विद्यापीठ साठी थांबा मिळावा. अशी मागणी करण्यात आली आहे. तसेच बससेवा सुरु न झाल्यास आंदोलन करावे लागेल असा इशारा देण्यात आला आहे. यावेळी गौरव वाणी ( रावेर लोकसभा अध्यक्ष विद्यार्थी ), रोहन सोनवणे (प्रदेश सरचिटणीस),कुणाल पवार (जिल्हा अध्यक्ष),गणेश निंबाळकर, जीवन जगताप,रुपेश सुर्यवंशी, प्रसाद पाटील, मयूर जैन आदी उपस्थित होते.
