जळगाव लाईव्ह न्यूज । १५ फेब्रुवारी २०२२ । धनादेश अनादरप्रकरणी चोपडा येथील पती-पत्नीस सहा महिने कारावासाची शिक्षा सुनावली आहे. हा निकाल अमळनेर येथील जिल्हा सत्र न्यायालयाने दिला. त्या दाम्पत्यांना अटक केली आहे.
चोपडा येथील राम सुंदरलाल गुजराथी व प्रितीबाला गुजराथी या दांपत्याने ओमशांती नागरी सहकारी पतसंस्थेकडून कर्ज घेतलेले आहे. या कर्जाच्या परतफेडीसाठी त्यांनी प्रत्येकी १० लाख रुपयांचा धनादेश पतसंस्थेला दिलेला होता. दोन्ही धनादेश न वटल्यामुळे पतसंस्थेचे व्यवस्थापक राजेश गुजराथी यांनी त्यांच्या विरुद्ध निगोशियबल इन्स्ट्रूमेंट ऍक्टचे कलम १३८ नुसार, फौजदारी खटल दाखल केला होता. फौ.ख.नं. ९२३/०१ व १२४/०९ असे दोन खटले चोपडा न्यायालयात दाखल होते. फिर्यादी पतसंस्थेने सादर केलेले कागदपत्र तसेच साक्षीदारांचे जबाब यावरून न्यायालयाने दोघांना दोषी धरले. या प्रकरणी अमळनेर न्यायालयाचा निकाल लागताच दोघांना अटक करण्यात आली असून, त्यांची जळगाव येथील मध्यवर्ती कारागृहात रवानगी केली. खटल्याचे कामकाज संस्थेतर्फे अमळनेर कोर्टात ऍड. गजानन विंचूरकर यांनी पाहिले.
हे देखील वाचा :
- शिरपूर-चोपडा महामार्गावर भीषण अपघात; मध्यप्रदेशातील चौघांचा जागीच मृत्यू
- जळगावात DYSP नितीन गणापुरे यांच्या पथकाचा सट्टा-जुगार अड्ड्यांवर छापा!
- जळगावात जिओ टॉवरच्या जनरेटरमधून डिझेल चोरी करणारा जेरबंद
- Jamner : टायर फुटला अन् पोषण आहाराचा टेम्पो पलटी; दोन हमालांचा जागीच मृत्यू
- मेहुणबारे पोलिसांकडून गुटखा तस्करीचा पर्दाफाश; ४.४७ लाखांचा मुद्देमाल जप्त
