जळगाव लाईव्ह न्यूज । २७ मार्च २०२२ । जिल्ह्यातील कोरोना रुग्णांची संख्या गेल्या काही दिवसांपासून शून्यावर थांबलेली होती. रुग्णसंख्या वाढत नसल्याने जळगावकरांना दिलासा होता. दरम्यान, रविवारी प्रशासनाने दिलेल्या अहवालात जिल्ह्यात ४ पॉझिटिव्ह रुग्ण आढळून आले आहेत.
रविवारी प्रशासनाने जाहीर केलेल्या अहवालानुसार भडगाव येथे २ तर पारोळा आणि रावेर येथे प्रत्येकी १ पॉझिटिव्ह रुग्ण आढळून आला आहे. जिल्ह्यात सध्या ६ पॉझिटिव्ह रुग्ण उपचार घेत आहेत. सर्व रुग्णांवर गृह विलगीकरणात उपचार घेत आहेत.
जिल्ह्यात एकाच दिवशी ४ रुग्ण आढळून आल्याने नागरिकांनी काळजी घेण्याची आवश्यकता आहे.
