Pachora News-जळगाव लाईव्ह न्यूज । २१ सप्टेंबर २०२२ । पाचोरा-परधाडे रेल्वे स्थानकादरम्यान रेल्वे रुळाची दुरुस्ती, छनाई व स्लीपर बदलविणे चे कामे रेल्वे प्रशासनास करावयाची असल्याने सदर रेल्वे गेट २३ सप्टेंबर सकाळी ८ वाजेपर्यंत बंद राहणार असल्याची माहिती देण्यात आली आहे. या गेटवरुन प्रवास करणाऱ्या प्रवाशी व शेतकऱ्यांनी दरम्यानच्या काळात पर्यायी मार्गाचा अवलंब करावा असे आवाहन रेल्वे प्रशासनाने केले आहे.
पाचोरा ते परधाडे रेल्वे स्थानकादरम्यान असलेले रेल्वे गेट क्रं. १३२ हे रेल्वे रुळाची दुरुस्ती व छनाई तसेच स्लीपर बदलविणे ही कामे रेल्वे प्रशासनास करावयाची असल्याने सदरचे गेट हे दि. २१ सप्टेंबर २०२२ रोजी सायंकाळी ६ वाजेपासून ते दि. २३ सप्टेंबर २०२२ सकाळी ८ वाजेपर्यंत बंद ठेवण्यात येणार असल्याची माहिती रेल्वे प्रशासनाने एका प्रसिद्धी पत्रकाद्वारे माध्यमांना दिली आहे.
या गेटवरुन प्रवास करणाऱ्या प्रवाशी व शेतकऱ्यांनी दरम्यानच्या काळात पर्यायी मार्गाचा अवलंब करावा असे आवाहन रेल्वे प्रशासनाने केले आहे. तसेच याबाबतच्या सूचना पाचोरा पोलिस स्टेशन, पाचोरा नगरपरिषद, पाचोरा ग्रामीण रुग्णालय, अंतुर्ली ग्रामपंचायत, भातखंडे खु” ग्रामपंचायत व रेल्वे प्रबंधक, पाचोरा यांना देखील पत्रकाद्वारे देण्यात आल्या आहेत.