जळगाव लाईव्ह न्यूज । २८ मार्च २०२२ । दिल्ली येथे आयोजित इंद्रधनुष्य आर्ट वर्ड गॅलरीच्या ऑनलाइन या चित्र प्रदर्शनातील स्पर्धेचा २५ मार्चला निकाल जाहीर झाला. यात चोपड्याचे कला शिक्षक शकील अहमद शेख अय्युब यांच्या लव्ह राधा-कृष्ण या चित्राला द माईकल एजेलो पुरस्कार मिळाला आहे. या प्रदर्शनात संपूर्ण देशातून जवळपास ३०० नामवंत चित्रकारांनी सहभाग घेतला होता. यात विविध राज्यातील सहभागी नामवंत चित्रकारांच्या उत्तम चित्रांची निवड झाली आहे.
या यशाबद्दल संस्थेचे अध्यक्ष ॲड. संदीप पाटील, उपाध्यक्षा आशा पाटील, सचिव डॉ. स्मिता पाटील, प्राचार्य ममता न्याती, उपप्राचार्य परमेश्वरी राजकुमार यांच्यासह ऑक्सफर्ड इंग्लिश मीडियम स्कूलचे सर्व शिक्षक व कर्मचाऱ्यांनी त्यांचे काैतुक केले आहे. चोपडा चित्रकला महाविद्यालयाचे प्रिन्सिपल राजेंद्र महाजन यांचे त्यांना मार्गदर्शन लाभले. या यशाबद्दल शकील अहमद शेख अय्युब यांचे सर्वत्र काैतुक हाेत आहेे.