जळगाव लाईव्ह न्यूज । सुभाष धाडे । मुक्ताईनगर तालुक्यातील थेरोळा शिवारातील शेतकरी शांताराम काशीराम भोंबे, रामेश्वर पांडुरंग पाटील, संदिप रमेश पाटील या शेतकऱ्यांच्या एन तोडणीवर आलेला दहा एकरातील ऊस जळुन खाक झाला. ही घटना शुक्रवारी सायंकाळच्या दरम्यान घडली.
ऊसाची तोडणी झालेल्या शेतातील उर्वरीत पालापाचोळा शेतकऱ्याने पेटवुन दिल्याने हवेने उडालेल्या ठिंणगीमुळे बाजुच्या शेतातील ऊसाने पेट घेतला. आजूबाजूच्या सुमारे दहा एकरातील ऊस जळुन खाक झाला तसेच ठिंबक संच व पीव्हीसी पाईपही जळुन लाखो रुपयांचे नुकसान झाले आहे. थेरोळा येथील शेतकरी शांताराम काशीराम भोंबे, रामेश्वर पांडुरंग पाटील, संदिप रमेश पाटील या शेतकऱ्याचे अतोनात नुकसान झाले आहे. घटनेची माहीती पोलीस पाटील समाधान भोंबे यांनी महसुल प्रशासन व पोलीस प्रशासनास दिली. तातडीने तलाठी प्रविण शिंपी, अरुण भोलाणकर कुऱ्हा पोलीस दुरक्षेत्राचे पोलीस हरीश गवळी, पोलीस राहुल नावकर, गोपीचंद सोनवणे, अरुण लोहार तसेच महावितरणचे हनुमंत लांजुळे, गुलाबराव उमाळे घटनास्थळी दाखल झाले.
कृषीपंपांचा विजपुरवठा बंद असल्याने घटनेची माहीती कळताच साहाय्यक अभियंता निळकंठ राठोड यांनी आग विझविण्यासाठी एका तासापुरता सुरळीत केला.
- जळगावात रंगणार भावगीतांचा सुरेल संग्राम राज्यस्तरीय भावगीत स्पर्धा दि २७ रोजी
- ज्वारी, मका, बाजरीला सरकारचा हमीभाव; जळगाव जिल्ह्यातील ‘या’ १८ ठिकाणी खरेदी केंद्रे..
- आदिवासी बांधवांपर्यंत योजनांची माहिती पोहोचणार; जळगावात ‘सेवा संकल्प अभियान’च्या चित्ररथाचा शुभारंभ
- शिरपूर-चोपडा महामार्गावर भीषण अपघात; मध्यप्रदेशातील चौघांचा जागीच मृत्यू
- गणेशोत्सवात सर्वसामान्यांना दिलासा ! खाद्यतेल स्वस्त करण्यासाठी सरकार उचलणार मोठं पाऊल
