जळगाव लाईव्ह न्यूज टीम : शिवसेना महानगर जळगाव व युवाशक्ती फाऊंडेशनतर्फे मुख्यमंत्र्यांच्या आवाहनानंतर “मी जबाबदार’ या मोहिमेंतर्गत शहरातील वर्दळीच्या ठिकाणी मास्क नसलेल्यांना २८०० नागरिकांना मास्क वाटप करून जनजागृती करण्यात आली.

शहरातील विविध चौकाचौकात हा उपक्रम राबवण्यात आला. मुख्य चौकातील वाहतूक सिग्नलवर पोस्टरद्वारे कोरोनाविषयी जनजागृती करण्यात आली. ‘मास्क घाला कोरोना टाळा, मी जबाबदार जळगावकर मास्क घालणार कोरोना टाळणार, जिल्हा प्रशासनाला सहकार्य करणार, सर्व नियमांचे पालन करणार, मी जबाबदार जळगावकर, कोरोना वाढत आहे, काळजी घ्या मास्क घाला’ या घोषणा देण्यात आल्या. शिवसेना जळगाव महानगरप्रमुख शरद तायडे, युवाशक्ती फाउंडेशनचे संस्थापक विराज कावडीया, सचिव अमित जगताप, शिवसेना महिला आघाडीच्या शोभा चौधरी, ज्योती शिवदे, जाकीर पठाण, प्रशांत सुरळकर, उमेश चौधरी, वासिम खान, नीलेश देशमुख, प्रीतम शिंदे, सौरभ कुलकर्णी, सागर सोनवणे, प्रशांत वाणी, ईश्वर राजपूत, इकबाल शेख, दीपक कुकरेजा, पूनम राजपूत, संजय सांगळे, अश्फाक शाह, श्रीकांत आगळे, शोएब खाटीक आदी उपस्थित होते.