जळगाव लाईव्ह न्यूज । ४ मार्च २०२१ ।  । येथील गांधीपुरा, महादेव मंदीर परिसरातील रहिवासी २१ वर्षीय तरुणाने मंगळवारी (दि.२) उशिरा रात्री कडूनिंबाच्या झाडाला दोर बांधून गळफास घेतला. किरण धनसिंग पाटील असे मृत तरुणाचे नाव आहे. या घटनेमागील कारण अद्याप स्पष्ट झालेले नाही.

बुधवारी रात्री उशिरापर्यंत सुनील घरी न आल्यामुळे वडील धनसिंग पाटील त्याचा शोध घेतला. गालापूर शिवारातील शेतात किरणने कडूनिंबाच्या झाडाला गळफास घेतल्याचे निदर्शनास आले. ही घटना समजताच प्रा. मनोज पाटील यांनी नगरसेवक बबलू पैलवान याना सोबत घेत घटनास्थळ गाठले.

काही वेळाताच पोलिस निरीक्षक ज्ञानेश्वर जाधव, सहायक पोलिस निरीक्षक तुषार देवरे हेदेखील पोहोचले. किरणला रिक्षाने ग्रामीण रुग्णालयात आणण्यात आले. तेथे तालुका वैद्यकीय अधिकारी डॉ. कैलास पाटील, डॉ. मुकेश चौधरी यांनी त्यास तपासून मृत घोषित केले. बुधवारी सकाळी शवविच्छेदन झाल्यानंतर अंत्यसंस्कार करण्यात आले. याबाबत चेतन पाटील यांनी दिलेल्या माहितीवरून एरंडोल पोलिसांत अकस्मात मृत्यूची नोंद झाली. हवालदार विकास देशमुख, राजू पाटील पुढील तपास करत आहेत. या घटनेमुळे परिसरात खळबळ उडाली.

जळगाव लाईव्ह न्यूज । ३ मार्च २०२१ । जळगाव शहरातील रामेश्‍वर कॉलनी भागातील रहिवासी असणार्‍या ५५ वर्षीय महिलेने धावत्या रेल्वेखाली स्वत:ला झोकून देत आत्महत्या केल्याची घटना घडलीय. ही घटना आज दुपारी साडेबाराच्या सुमारास घडली असून विमलबाई काशिनाथ चौधरी (वय५५, रा. रामेश्‍वर कॉलनी) असे आत्महत्या केलेल्या महिलेचे नाव आहे.  

सविस्तर असे की, विमलबाई चौधरी या शहरातील रामेश्‍वर कॉलनीतील राहतात. दरम्यान, आज त्यांनी आसोदा रेलवेगेट ते भादली दरम्यान रेल्वे खांबा ४२१/२३-२५ च्या मध्ये धावत्या रेल्वेखाली स्वत:ला झोकून देत आत्महत्या केली. परिसरातील नागरिकांनी धाव घेऊन पार्थिव जिल्हा रूग्णालयाकडे रवाना केले.

दरम्यान, मयत महिलेच्या पश्‍चात पती, मुलगा, दोन विवाहित मुली आहेत. हे कुटुंब भाजीपाला विक्रेते म्हणून काम करत होते. या महिलेने नेमकी कोणत्या कारणासाठी आत्महत्या केली याचे कारण अद्याप समजले नाही. दरम्यान, शनिपेठ पोलिसांनी याचा पंचनामा केला असून याबाबत नोंद करण्याचे काम सुरू होते.