जळगाव लाईव्ह न्यूज । १८ मे २०२१ । जळगाव शहरातील केंद्रावर कोविशिल्ड लसीचेही डोस संपल्यामुळे लसीकरणाचे सर्वच केंद्र बंद राहणार आहे. दरम्यान, आज मंगळवारी सायंकाळपर्यंत कोविशिल्ड लसीचे ४७०० डोस प्राप्त होण्याची शक्यता असून बुधवारपासून हे केंद्रावर उपलब्ध होतील.

कोविशिल्ड लसीच्या दुसऱ्या डोस मध्ये अंतराचे नवे नियम लागू केल्याने जळगावात सोमवारी केवळ २ लाभार्थ्यांनी लसीचा दुसरा डाेस घेतला आहे. कोव्हॅक्सिनचीच दुसऱ्या डोससाठी नागरिकांना प्रतिक्षा असून कोव्हॅक्सिन नेमके डोस येणार कधी हे अनिश्चित असून कोविशिल्डच्या तुलनेत ते अत्यंत कमी येत आहेत. रविवारी आलेले डोस एकाच दिवसात दुपारपर्यंत संपले होते.

दरम्यान, मंगळवारी महापालिकेच्या केंद्रांसह रेडक्रॉस आणि रेाटरी हे अशी सर्वच केंद्र लस उपलब्ध नसल्याने बंद राहणार आहेत. महापालिकेचे केंद्र बंद राहणार असल्याची माहिती प्रमुख वैद्यकीय अधिकारी डॉ. राम रावलानी यांनी दिली.

जळगाव लाईव्ह न्यूज । १७ मे २०२१ । जळगाव जिल्ह्यात अधिकाधिक दर्जेदार खेळाडू तयार व्हावेत, याकरीता जिल्हा क्रीडा संकुलात खेळाडूंना माफक दरात चांगल्या सुविधा उपलब्ध करुन द्याव्यात. असे निर्देश राज्याचे पाणीपुरवठा व स्वच्छतामंत्री तथा जिल्ह्याचे पालकमंत्री ना. गुलाबराव पाटील यांनी दिलेत.

जिल्हा क्रीडा संकुल कार्यकारी समितीची बैठक येथील जिल्हाधिकारी कार्यालयातील सभागृहात पालकमंत्री श्री. पाटील यांच्या अध्यक्षतेखाली पार पडली, यावेळी ते बोलत होते. बैठकीस आमदार सुरेश भोळे, जिल्हाधिकारी अभिजीत राऊत, जिल्हा परिषदेचे मुख्य कार्यकारी अधिकारी डॉ. बी. एन. पाटील, पोलीस अधिक्षक डॉ. प्रवीण मुंढे, जिल्हा क्रीडा अधिकारी मिलींद दिक्षित, श्री. शिव छत्रपती पुरस्कार विजेते डॉ प्रदिप तळवेलकर, नगरसेवक नितिन बर्डे, श्याम कोगटा आदि उपस्थित होते.

यावेळी बोलतांना पालकमंत्री श्री पाटील म्हणाले की, शासनाच्या नवीन निर्देशानुसार जिल्हा व तालुका क्रीडा संकुल उभारणीचा मसुदा नव्याने तयार करण्यात यावा. जिल्ह्यातील 11 तालुक्यांच्या अपूर्ण क्रीडा संकुल बांधकामासाठी वाढीव निधी मागणीचा प्रस्तावही तयार करण्यात याव्यात. जिल्हा क्रीडा संकुलात विविध खेळांच्या सरावासाठी येणाऱ्या खेळाडूंना चांगल्या दर्जाच्या सुविधांबरोबरच चांगले मार्गदर्शक (कोच) उपलब्ध करुन द्यावेत. तसेच खेळाच्या सुविधा वापराचे दर माफक असावे अशी सुचनाही केली. जळगाव जिल्हा कुस्तीसाठी प्रसिध्द आहेत. जिल्ह्यात महाराष्ट्र केसरीसारखे खेळाडू आहेत. जिल्ह्यात अजून चांगले कुस्तीगीर निर्माण होण्यासाठी कुस्तीसाठी कोच मिळण्यासाठी क्रीडा आयुक्तांकडे मागणीचा प्रस्ताव पाठविण्याचे निर्देशही त्यांनी यावेळी दिलेत. ग्रामीण भागातही चांगले खेळाडू तयार व्हावेत याकरीता निधीच्या उपलब्धतेनुसार खुल्या व्यायामशाळांना मंजूरी द्यावी. जिल्ह्यातील तालुका क्रीडा संकुलांचे अपूर्ण कामे पूर्ण होण्यासाठी क्रीडामंत्र्यांशी चर्चा करणार असून जिल्हयात क्रीडा सुविधा उपलब्ध होण्यासाठी अधिकाधिक निधी उपलब्ध करुन देण्यात येईल असेही त्यांनी यावेळी सांगितले.

क्रीडा संकुलातील जुन्या गाळ्यांबाबत निर्णय घेण्यासाठी उपसमिती

जिल्हा क्रीडा संकुलातील जुन्या गाळयांबाबत निर्णय घेण्यासाठी पाच जणांची उपसमिती नेमण्यात यावी असे निर्देश यावेळी पालकमंत्र्यांनी दिलेत. त्याचबरोबर जे गाळेधारक अनेक वर्षांपासून थकबाकीदार आहेत. त्यांचे गाळे बंद आहेत त्यांना रितसर नोटीस देऊन त्यांचे गाळे जप्तीबाबत पुढील कायदेशीर कारवाई करण्याची सुचनाही त्यांनी बैठकीत दिलीत.

बैठकीच्या सुरुवातीस पालकमंत्र्यांनी जिल्हा क्रीडा संकुलास भेट देऊन तेथील परिस्थितीची पाहणी केली. त्यानंतर बैठकीत जिल्ह्यातील क्रीडा संकुलांच्या बांधकामाचा, तेथील साहित्य, खेळाडूच्या सोईसुविधांचा आढावा घेतला. यावेळी क्रीडा संकुलातील कर्मचाऱ्यांचे मानधन, संकुलातील गाळ्यामधील भागीदारीचे नांव रेकॉर्डवरुन कमी करणे, गाळे हस्तांतरण मान्यता, संकुलातील दुरुस्ती व सुविधा, महापालिकेच्या थकीत पाणीपट्टी व मालमत्ता कर आदि विविध विषयांवर या बैठकीत चर्चा करण्यात आली.

जळगाव लाईव्ह न्यूज । १७ मे २०२१ । कोरोनाच्या पार्श्वभूमीवर निर्बंध लागू करण्यात आले असून मेहरूण तलावाच्या काठावर विनापरवानगी तोंडाला मास्क न लावता व्हिडिओ शूट करणाऱ्या तरुण-तरुणींना पोलिसांनी चांगलाच दणका दिला आहे.  एमआयडीसी पोलिसांनी दहा जणांना ताब्यात घेऊन त्यांच्यावर कारवाई करीत ४ लाख २५ हजारांचा मुद्देमाल जप्त केला आहे.

कोरोना असल्याने शासनाने विनाकारण फिरू नये असे आदेश केले आहेत. शासनाने निर्बंध लागू केलेले असताना देखील मेहरूण तलावावर काही तरुण तरुणी व्हिडीओ शूट करीत असल्याची माहिती सहाय्यक अधीक्षक कुमार चिंथा यांना मिळाली असता त्यांनी याबाबत  एमआयडीसी पोलिसांना कळविले.

एमआयडीसी पोलिसांनी केलेल्या कारवाईत व्हिडीओ शूटिंग करताना १) वृशाल नितीन राठोड (वय २० वर्ष रा.सुप्रीम कॉलनी नितीन साहीत्या नगर, जळगाव, मुळ रा.पळासखेड नाईक जिल्हा बुलढाणा) २) मनोज भिका जाय (वय-२० वर्ष रा.धोबी वराड ता.जि.जळगाव ३)सुरज रंज सोनार (वय १९ वर्ष रा.स्वामी समर्थ केंद्राजवळ, रामेश्वर कॉलनी जळगाव), ४)अभिजीत रमेश चव्हाण (वय २५ वर्ष रा. सुप्रीम कॉलनी जळगांव ६) आनंद उर्फ गणेश सोमनाथ भोई (वय २१ वर्ष रा.जुने गाव मेहणबारे ता.चाळीसगांव जि. जळगांव), ६) सचिन चंद्रकांत भिडे (वय २३ वर्ष रा.मशिदीच्या मागे पिंप्राळा जळगांव), ७) गोपाल जगदीश राठोड वय १९ वर्ष रा.धोबी वराड ता.जि. जळगांव), ८) ईश्वर रोहीदास राठोड (वय २२ वर्ष रा.धोबी वराड ता.जि.जळगांव) ९) रीना यशवंत जाधव (वय २० वर्ष रा. शिवकॉलनी, जळगांव), १०) अंकिता शरद बोदडे वय २० रा.जामनेर आयटीआयजवळ राजा कौतिक नगर जि.जळगांव हे घटनास्थळी मिळून आले.

तरुण-तरुणींनी सार्वजनिक ठिकाणी एकत्र येवून व्हीडीओ शूटिंग करतांना मिळुन आले असून त्यांनी सरकारी आदेशाची अवहेलना केल्याने एमआयडीसी पोलिसांनी त्यांच्यावर कारवाई केली आहे. पोलिसांनी एक कॅमेरासह १० दुचाकी असा ४ लाख २५ हजारांचा ऐवज जप्त केला आहे.