जळगाव लाईव्ह न्युज । १४ जुलै २०२२ । भुसावळ वाराणसी-कुर्ला एक्स्प्रेसमधील प्रवासी महिलेची पर्स चोरट्याने लांबवल्याची घटना ६ जुलैला घडली. पर्समध्ये सुमारे साडेसहा लाखांचे दागिने होते. याप्रकरणी कुर्ला पोलिसात गुन्हा दाखल झाल्यावर ताे गुन्हा भुसावळ लोहमार्ग पोलिसात वर्ग करण्यात आला.
चार्टर्ड अकाऊंटंट सुजितकुमार उपाध्याय (रा. रावळपाडा, दहिसर, मुंबई) हे पत्नी, मुले व बहिणीसह ६ जुलैला अप १२१६८ वाराणसी-मुंबई एक्स्प्रेसच्या कोच बी-४ मधील बर्थ क्रमांक १०, ११ व १५ वरून प्रवास करत होते. खंडवा-भुसावळ दरम्यान उपाध्याय कुटुंबातील सदस्यांना झोप लागली. ही संधी चोरट्यांनी साधत उपाध्याय यांच्या पत्नीची पर्स लांबवली.
या पर्समध्ये ३० ग्रॅमचे मंगळसूत्र, ३५ ग्रॅमच्या सोन्याच्या तीन चेन, २५ ग्रॅमच्या चार सोन्याच्या अंगठ्या, २० ग्रॅमची कर्णफुले, तीन ग्रॅमचे सोन्याचे पेंडल व तीन हजार ५०० रुपयांची रोकड मिळून सहा लाख ४३ हजार ५०० रुपयांचा ऐवज होता. उपाध्याय यांनी कुर्ला लोहमार्ग पोलिसात तक्रार दिली. पुढील तपास पोलिस निरीक्षक विजय घेरडे यांच्या मार्गदर्शनाखाली पाेलिस करत आहेत. रेल्वे प्रवासात प्रवाशांनी मौल्यवान वस्तू सोबत बाळगू नये, असे आवाहन केले आहे.
आरपीएफने गस्त वाढवावी रेल्वे गाड्यांमध्ये जनरल प्रवासी वाहतूक सुरू झाल्याने प्रवाशांची गर्दी वाढली अाहे, यामुळे अारक्षण डब्यासाेबतच एसीच्या डब्यात बसूनही प्रवासी अवैधपणे प्रवास करतात. यामुळे प्रवाशांच्या मौल्यवान साहित्याची सुरक्षा धोक्यात येते. त्यामुळे रेल्वे सुरक्षा बलाने धावत्या गाडीतील गस्तीत वाढ करावी, अशी मागणी प्रवासी वर्गातून केली जात अाहे. प्रवाशांनीदेखील मौल्यवान वस्तू सुरक्षित ठेवाव्यात.
