जळगाव लाईव्ह न्यूज । ३ एप्रिल २०२४ । डॉ. योगेश्वरी दिनकर पाटील(क्षीरसागर)हिने नुकतीच वैद्यकीय होमिओपॅथी क्षेत्रातील अंतिम वर्षाची परीक्षा उत्तीर्ण केली. त्याबद्दल यावल शहरासह तालुक्यातुन सर्वच स्थरातून तिचे कौतुक होत आहे.
डॉक्टर योगेश्वरी पाटील या साईबाबा नागरी सहकारी पतसंस्थेचे चेअरमन भाऊराव माणिकराव पाटील व ताराबाई विरावली यांची नात असून साई बाबा संस्थेचे संचालक तथा प्रगतशील शेतकरी दिनकर पाटील व जि.प शाळा सातोद येथे कार्यरत असलेल्या शिक्षिका भाग्यश्री पाटील यांच्या कन्या आहेत.
त्यांनी शिरपूर येथील के.डी.एम.जी होमिओपॅथ या महाविद्यालयातुन वैद्यकीय अभ्यासक्रम पूर्ण केला. त्यांना त्यांच्या विद्यालयातील प्राचार्य प्राध्यापक डॉ. बी एस पाटील,प्रा डॉ संजय रुद्र यांचे मार्गदर्शन लाभले. डॉ योगेश्वरीचे सर्वच क्षेत्रातील मान्यवरांनी स्वागत सत्कार केला. तसेच तिचे कौतुक करत अभिनंदन करत भावी वाटचालीसाठी हार्दिक शुभेच्छा दिल्या.
