जळगाव लाईव्ह न्यूज । २२ मे २०२१ । माजी मंत्री खडसेंचे कट्टर समर्थक गोपाळ नेमाडे यांची रावेर बाजार समिती सभापतीपदी वर्णी लागली तर उपसभापती गोंडू महाजन यांची निवड झाली. कृषी उत्पन्न बाजार समिती माजी मंत्री एकनाथराव खडसे गटाकडे गेल्याने पुन्हा राजकीय वातावरण ढवळून निघाले.
खडसे गटाचे निर्विवाद वर्चस्व आता रावेर बाजार समितीवर आहे. माजी मंत्री खडसे म्हणाले की, नवनिर्वाचित सभापती गोपाळ नेमाडे व उपसभापती गोंडु महाजन दोघेही मला भेटायला येऊन गेले. गोपाळ नेमाडेसारखे अनेक कार्यकर्ते मला मानतात. सध्या ते भाजपात असले तरी ते माझे कार्यकर्ते आहेत. रावेर बाजार समितीत माझा कार्यकर्ता सभापती झाला याचा मला आनंद आहे.
