जळगाव लाईव्ह न्यूज । १९ फेब्रुवारी २०२२ । शासकीय वैद्यकीय महाविद्यालय व रुग्णालयात छत्रपती शिवाजी महाराज यांच्या जयंतीनिमित्त प्रभारी अधिष्ठाता डॉ. किशोर इंगोले यांच्यासह डॉक्टरांनी रक्तदान करून अनोख्या पद्धतीने शिवजयंती साजरी केली.
छत्रपती शिवाजी महाराज हे खऱ्या अर्थाने रयतेचे राजे होते. रयत सेवा त्यांच्यासाठी केंद्रबिंदू होती. त्यामुळे वैद्यकीय सेवेत असणारे घटक शिवजयंतीला रक्तदानासाठी एकत्र आले. शासकीय वैद्यकीय महाविद्यालय व रुग्णालयात असणाऱ्या रक्तपेढीमध्ये डॉक्टरांनी रक्तदान केले. यामध्ये आठ जणांनी रक्तदान केले. रक्तपेढीतील डॉ. मनोज पाटील, कर्मचारी रोहिणी देवकर यांनी सहकार्य केले.
सुरुवातीला प्रभारी अधिष्ठाता डॉ.किशोर इंगोले यांनी रक्तदान केले. त्यांच्यानंतर डॉ.गोपाळ डव्हळे, डॉ.स्नेहा वाडे, डॉ.वैशाली पाटील, डॉ.कुणाल ठाकरे, डॉ.शिवम उपाध्याय, डॉ. नीलांजना गोयल यांनी रक्तदान करून सामाजिक बांधिलकी जोपासली. सर्व डॉक्टरांचे अधिष्ठाता डॉ. जयप्रकाश रामानंद यांनी कौतुक केले आहे.
- गोदावरी अभियांत्रिकी महाविद्यालय व तंत्रनिकेतन येथे राष्ट्रीय तंत्रज्ञान दिवस उत्साहात संपन्न
- प्रवाशांना दिलासा ! ओखा-मदुरै एक्स्प्रेस २८ जूनपर्यंत धावणार ; भुसावळ, जळगावला आहेत थांबा
- गोदावरी अभियांत्रिकी महाविद्यालयात जागतिक दूरसंचार दिवस उत्साहात साजरा
- IMD Alert : महाराष्ट्रातील 15 जिल्ह्यांना पावसाचा अलर्ट, जळगावसाठी वर्तविला ‘हा’ अंदाज..
- टँकरच्या चाकाखाली येऊन दुचाकीस्वार तरुण ठार, आई गंभीर जखमी