जळगाव लाईव्ह न्यूज । २४ जानेवारी २०२२ । रावेर तालुक्यातील रणगाव व गहुखेडा गावात आकोडे टाकून वीजचोरी करणाऱ्यांवर महावितरणच्या पथकाने २४ रोजी धडक कारवाई केली. त्यात ९० जणांवर कारवाई झाली आहे.
काही दिवसांपासून रणगाव आणि गहुखेडा येथे गावात वारंवार फ्युज उडणे, अतिभारमुळे तार तुटणे यामुळे रात्री अपरात्री वीजपुरवठा खंडित होत असल्याच्या तक्रारी वाढल्या होत्या. त्यामुळे सोमवारी सावदा विभागातील कार्यकारी अभियंता गोरक्षनाथ सपकाळे व उपकार्यकारी अभियंता राजेश नेमाडे यांच्या मार्गदर्शनाखाली, सहायक अभियंता योगेश चौधरी, विशाल किनगे, कनिष्ठ अभियंता मंगेश यादव, सचिन गुळवे यांच्या पथकाने रणगाव व गहुखेडा गावात आकोडे टाकणाऱ्यांवर कारवाई केली. आगामी काळातही कारवाईची मोहीम सुरु राहणार असल्याचे महावितरणचे सहाय्यक अभियंता योगेश चौधरी यांनी सांगितले.
हे देखील वाचा :
- ऊर्जामंत्री देवेंद्र फडणवीसांच्या भाषणावेळी बत्तीगुल होते तेव्हा… भुसावळातल्या सभेतील प्रकार
- जळगावात भीषण अपघात ; दोन बालकांसह महिलेचा मृत्यू
- उद्धव ठाकरे जळगावात दाखल
- ग्राहकांसाठी आनंदवार्ता ; अक्षय्य तृतीयापूर्वी सोने-चांदीत मोठी घसरण
- मतदानाचा टक्का वाढवण्यासाठी अस्थीरोग तज्ञ डॉक्टरने लढवली अशी शक्कल