जळगाव लाईव्ह न्यूज । ३१ मार्च २०२१ । जळगावातील कोरोना बाधितांचा आणि मृतांचा आकडा वाढताच आहे. आज देखील जिल्ह्यात एकूण ११३९ नवीन बाधित आढळून आले आहेत. तर आज कोरोनामुळे आज देखील १४ रूग्‍णांचा मृत्यू झाला.
जळगाव जिल्ह्यात कोरोनाचा कहर सुरूच असून दररोज येणाऱ्या रुग्णांची संख्या वाढतच आहे. जळगाव शहरापाठोपाठ चोपडा, चाळीसगाव, अमळनेर तालुक्यात देखील कोरोनाचे रुग्ण वाढू लागले आहे. जळगाव,चोपडा येथे दररोज अडीचशेपेक्षा अधिक रुग्ण समोर येत आहे.
दरम्यान, जिल्ह्यात आज ९९६ रुग्ण बरे झाले आहे. त्यामुळ बरे होणार्या रुग्णांची एकूण संख्या ७५ हजार ५९० वर गेली आहे. तर जिल्ह्यात आतापर्यंत बाधितांची संख्या ८९ हजार ०१८ झाली आहे. जिल्ह्यात महिनाभरापासून वाढणाऱ्या संसर्गामुळे ॲक्‍टिव्ह रूग्‍णांचा आकडा देखील वाढत आहे. ११ हजार ८०३ रुग्ण उपचार घेत आहे. जिल्ह्यात मृताच एकूण आकडा १६२५ वर गेला आहे.
मृत्यूचा तांडव सुरूच
कोरोनामुळे गेल्या पंधरा ते विस दिवसापासून जळगाव जिल्ह्यात मृत्यूचा तांडव सुरू आहे. गेल्या काही दिवसापासून दहाच्या वर कोरोना बाधितांचा दररोज मृत्यू होत आहे. आता सलग तीन दिवसापसून १४ जणांचा कोरोनामुळे जिल्ह्यात मृत्यू झाला आहे. आज देखील चौदा जणांचा मृत्यू झाला आहे.
असे आढळले रुग्ण
जळगाव शहर २८३, जळगाव तालुका १७; भुसावळ ३३, अमळनेर ९३; चोपडा २७७; पाचोरा ३५; भडगाव २०; धरणगाव ५४; यावल १३; एरंडोल ४९, जामनेर ३३; रावेर २१, पारोळा १८; चाळीसगाव ९७; मुक्ताईनगर ११; बोदवड १७ आणि इतर जिल्ह्यातील ७ असे ११३९ रूग्ण आढळून आले आहेत.
