जळगाव लाईव्ह न्यूज । ८ जानेवारी २०२२ । पारोळा तालुक्यातील ४३ वर्षीय महिलेवर एका खासगी रूग्णालयात दीड वर्षांपूर्वी गर्भपिशवीची शस्त्रक्रिया झाली होती. त्यावेळी डॉक्टरांकडून अनावधनाने कापसाचा बोळा महिलेच्या पोटातच राहून गेला होता. त्यामुळे दीड वर्षांपासून महिलेला पोटदुखीचा त्रास जाणवत होता. अखेर अमळनेर येथील डॉ. अनिल शिंदे यांनी यशस्वीपणे महिलेवर शस्रक्रिया करून, पोटातून कापसाचा बोळा काढला. महिलेला १० दिवस आयसीयूत ठेवल्यानंतर, शुक्रवारी डिस्चार्ज देण्यात आला.
सविस्तर असे की, पारोळा तालुक्यातील माहेर व नंदूरबार येथील सासर असलेल्या ४३ वर्षीय महिलेवर दीड वर्षांपुर्वी शस्त्रक्रिया झाली होती. त्यावेळे रक्तस्त्राव थांबवण्यासाठी लावलेला कापसाचा बोळा चुकून महिलेच्या पोटातच राहून गेला असावा, अशी माहिती डॉ.अनिल शिंदे यांनी दिली. पारोळा येथील डॉ.हर्षल माने यांच्याकडे महिला उपचारासाठी गेली, असता तिला अमळनेरला नर्मला मेडिकल फाउंडेशनमध्ये जाण्याचा सल्ला देण्यात आला.
पोटाच्या सिटी स्कॅनमध्ये कापड सदृष्य बाब निदर्शनास आली. त्यानंतर शस्त्रक्रिया करून पोटातून कापसाचा बोळा काढण्यात आला. रात्री ११ ते पहाटे ४ अशी पाच तास ही शस्त्रक्रिया चालली होती. डॉ.संदीप जोशी यांनी मदत केली.
हे देखील वाचा :
- जळगाव जिल्ह्यावासीयांसाठी खुशखबर! गिरणा धरणाची जलपातळी ८६ टक्क्यांवर पोहोचली!
- महादेव हॉस्पिटलमध्ये जन्मजात हृदयातील छिद्रावर अत्याधुनिक डीव्हाईस क्लोजर शस्त्रक्रिया यशस्वी
- चिंचोली उपकेंद्रात ५ एमव्हीए अतिरिक्त ट्रान्सफॉर्मरचे पालकमंत्री गुलाबराव पाटलांच्या हस्ते लोकार्पण
- आषाढी एकादशीनिमित्त बालरंगभूमी परिषदेतर्फे विविध कार्यक्रमांचे आयोजन
- जळगाव जिल्ह्यात वादळी वाऱ्यासह मुसळधार पाऊस कोसळणार; वाचा पुढील 5 दिवसाचा हवामान अंदाज?
