जळगाव लाईव्ह न्यूज । दीपक श्रावगे । जिल्ह्यात अवैध धंदे विरोधात गेल्या चार दिवसापासून जोरदार कारवाई सुरु असून शुक्रवारी सावदा पोलीस स्टेशन हद्दीतील खिरोदा येथील बस स्टॅन्ड परिसरात १ गावठी कट्टा व १ जिवंत काडतुससह दोघांना पकडण्यात आले. पोलीस महानिरीक्षकांचे विशेष पथक आणि सावदा पोलिसांनी संयुक्तपणे कारवाई केली. दोघांना ताब्यात घेऊन सावदा पोलीस स्टेशनला आणण्यात आले आहे.
गुरुवारी एलसीबीच्या पथकाने ५ गावठी पिस्तूल आणि ७ जिवंत काडतूससह चौघांच्या मुसक्या आवळल्या होत्या. दोन दिवसांपूर्वीच जळगाव लाईव्हच्या बातमीनंतर अवैध धंदे, सट्टा, पत्ता, गुटखा विक्रेत्यांवर कारवाई करण्यात आली होती. गेल्या चार दिवसापासून पोलीस प्रशासनाची दमदार कामगिरी सुरु आहे. शुक्रवारी सावदा येथे देखील दोघांना १ गावठी कट्ट्यासह अटक करण्यात आली. गजानन भिकन शेजोळे रा.अंजनखोरे जि.औरंगाबाद, अनिल बद्री कछुआ रा.कुऱ्हे पानाचे ता.भुसावळ अशी आज ताब्यात घेतलेल्या संशयितांची नावे आहेत.
शुक्रवारी दुपारी १ वाजेदरम्यान नाशिक पोलीस महानिरीक्षकांच्या पथकातील बशीर तडवी, हवालदार राजेंद्र बोरसे, मनोज दुसाने, सावदा पोलीस स्टेशनचे सहाय्यक निरीक्षक देविदास इंगोले, उपनिरीक्षक राजेंद्र पवार व समाधान गायकवाड, हवालदार मनोज हिरोळे, संजय चौधरी, ममता तडवी, यशवंत टहाकळे आदींनी सापळा रचून दोघांना ताब्यात घेतले. दोघांकडून १ गावठी कट्टा आणि १ जिवंत काडतूस हस्तगत करण्यात आले असून याप्रकरणी गुन्हा दाखल करण्याचे काम सावदा पोलीस स्टेशनला सुरू आहे.
हे देखील वाचा :
- १० हजारांची लाच भोवली! जळगावच्या अधिकाऱ्याची कोट्यवधींची माया उघड, मालमत्ता पाहून यंत्रणाही चक्रावली!
- ज्या प्रेमासाठी हट्ट धरला, त्याच प्रेमाने घेतला जीव; पतीने गळा आवळला पत्नीला संपविले
- २४ तास ऑनलाईन असणारा आरोपी पोलिसांना गवसेना, सुरेश तलरेजा मुख्यमंत्र्यांना भेटणार!
- यावल हादरले ! संशयातून पतीने पत्नीचा गळा आवळून केला खून
- अमळनेरमध्ये वाळू माफियांनी शेतकऱ्याला डंपरखाली चिरडले! चौघांवर खुनाचा गुन्हा दाखल
