जळगाव लाईव्ह न्यूज । ६ जानेवारी २०२२ । राज्यात बनावट मद्य, बेकायदेशीर विक्री करणाऱ्यावर उत्पादन शुल्क विभागाच्या पथकाने एप्रिल ते डिसेंबर २०२१ या नऊ महिन्यात ६२७ जणांना अटक केली. त्यांच्याकडून १ कोटी ८९ लाख १५ हजार ३८९ रुपयांचा मुद्देमाल जप्त केला असून, संबधितांवर स्थानिक पोलिस ठाण्यांमध्ये गुन्हे दाखल झाले आहेत.
२०२१ वर्ष नुकतेच संपले आहे. गतवर्षी कोरोना काळातील निर्बंध कडक असल्यामुळे मद्यविक्रीवर परिणाम झालेला होता. अशात अनेकांनी बनावट मद्य तयार करुन विक्री केल्याचेही अनेक प्रकरणे समोर आले.
राज्य उत्पादन शुल्कच्या विभागाने विशेष भरारी पथके नेमुन या लोकांवर कारवाई केल्या. यात एप्रिल ते डिसेंबर या नऊ महिन्यात जिल्ह्यात एकूण १ हजार ३४२ गुन्हे दाखल करण्यात आले. यात ६२७ संशयितांना अटक केली. ४८ वाहने जप्त केली आहे.
संबधितांवर स्थानिक पोलिस ठाण्यांमध्ये गुन्हे दाखल करण्यात आलेले आहेत. अशी माहिती राज्य उत्पादन शुल्क विभागाच्या अधीक्षक सीमा झावरे यांनी दिली.
हे देखील वाचा :
- मुक्ताईनगरातील ट्रॅव्हल्समधील डिझेल चोरीचा उलगडा, भिवंडीतील दोन आरोपी जेरबंद
- चाळीसगाव लैंगिक अत्याचार प्रकरण; आरोपीला 20 वर्षांचा सश्रम कारावास
- चोपडा हादरले! जन्मदात्या बापाचा दोन मुलांवर कुऱ्हाडीने हल्ला; मुलीचा मृत्यू, मुलगा गंभीर
- जळगावात एमआयडीसी पोलिसांची धडक कारवाई; 80 किलो गोमांस जप्त, चौघे ताब्यात
- जामनेर हादरले ! आंतरजातीय प्रेमविवाहाच्या रागातून तरुणाची निर्घृण हत्या
